Bihar Business Connect Summit: اڈانی گروپ نے بہار میں 27,900 کروڑ روپے کی سرمایہ کاری کا کیا اعلان، 53,500 لوگوں کو ملے گا روزگار

پٹنہ: اڈانی انٹرپرائزز کے ڈائریکٹر اور منیجنگ ڈائریکٹر (زراعت، تیل اور گیس) پرنب اڈانی نے جمعہ کو بہار میں 27,900 کروڑ روپے کی سرمایہ کاری کا اعلان کیا۔ اس سے ریاست میں 53,500 ملازمتیں پیدا ہوں گی۔ ’بہار بزنس کنیکٹ‘ سمٹ سے خطاب کرتے ہوئے پرنب اڈانی نے کہا کہ ریاست کے وزیر اعلیٰ نتیش کمار کی قیادت میں اڈانی گروپ کے اعتماد کی اس سے بہتر تصدیق نہیں ہو سکتی کہ ہم بہار میں سب سے بڑے نجی سرمایہ کار ہیں۔

بہار میں اڈانی گروپ کی طرف سے کی گئی سرمایہ کاری اور مستقبل کی سرمایہ کاری کا روڈ میپ دیتے ہوئے، پرنب اڈانی نے کہا،  ’’ہم نے تین شعبوں لاجسٹک، گیس کی تقسیم اور زرعی لاجسٹکس میں 850 کروڑ روپے کی سرمایہ کاری کی ہے اور اس سے 25,000 روپے کا بالواسطہ اور بلاواسطہ روزگار کے مواقع پیدا ہو ئے ہیں۔‘‘

پرنب اڈانی نے کہا کہ اڈانی گروپ آنے والے وقت میں ان تین شعبوں میں مزید 2,300 کروڑ روپے کی سرمایہ کاری کرنے والا ہے۔ یہ سرمایہ کاری نہ صرف گروپ کی اسٹوریج اور ہینڈلنگ کی صلاحیت میں نمایاں اضافہ کرے گی بلکہ وی، سی جی ڈی  (سٹی گیس ڈسٹری بیوشن) اور چی بی جی (کمپریسڈ بائیو گیس) کے شعبوں میں بھی اس کی موجودگی کو وسعت دے گی۔ اس سے 27,000 اضافی بالواسطہ اور بلاواسطہ مقامی روزگار کے مواقع بھی پیدا ہوں گے۔

پرنب اڈانی نے مزید کہا کہ اڈانی گروپ ریاست میں گتی شکتی ریلوے ٹرمینل، آئی سی ڈی (ان لینڈ کنٹینر ڈپو) اور صنعتی گودام پارک جیسے اسٹریٹجک انفراسٹرکچر کی ترقی میں تقریباً 1,000 کروڑ روپے کی سرمایہ کاری کے لیے ریاستی حکومت کے ساتھ مل کر کام کر رہا ہے۔

پرنب اڈانی نے مطلع کیا کہ اڈانی گروپ نے پانچ شہروں – سیوان، گوپال گنج، ویشالی، سارن اور سمستی پور میں 28 لاکھ سے زیادہ اسمارٹ میٹروں کی تیاری اور تنصیب کے لیے 2,100 کروڑ روپے کی سرمایہ کاری کرنے کا منصوبہ بنایا ہے۔ اس سے ریاست میں ٹیکنالوجی کے شعبے میں کم از کم 4000 مقامی ملازمتیں پیدا ہوں گی۔

پرنب اڈانی نے مزید کہا کہ گروپ نے وارثی گنج میں اپنے گرین فیلڈ سیمنٹ پلانٹ پر کام شروع کر دیا ہے اور اب بہار میں متعدد مراحل میں 10 ایم ایم ٹی پی اے کی سیمنٹ مینوفیکچرنگ کی صلاحیت قائم کرنے کے لیے 2500 کروڑ روپے کی سرمایہ کاری کرنے کا منصوبہ ہے۔ اس سے ریاست کے لوگوں کے لیے کم از کم 9000 بالواسطہ اور بلاواسطہ روزگار پیدا ہونے کا امکان ہے۔

پرنب اڈانی نے مزید کہا کہ ہم بہار کے توانائی کے شعبے میں سرمایہ کاری کے امکانات تلاش کر رہے ہیں۔ ہم الٹرا سپرکریٹیکل تھرمل پاور پلانٹس کے قیام کے لیے 20,000 کروڑ روپے کی سرمایہ کاری کرنے کا منصوبہ رکھتے ہیں۔ اس سرمایہ کاری سے پلانٹ کے کام شروع ہونے تک تقریباً 12,000 ملازمتیں پیدا ہوں گی۔ اس کے علاوہ پلانٹ کے شروع ہونے کے بعد 1500 ہنر مند ملازمتوں کے مواقع دستیاب ہوں گے۔ پرنب اڈانی نے ریاست میں سرمایہ کاری کی تجاویز کی مسلسل حمایت کرنے پر بہار کے وزیر اعلیٰ کی بھی تعریف کی۔

بھارت ایکسپریس۔