Adani Green Energy Limited:  ٹی این ایف ڈی فریم ورک کو مرکزی حکمت عملی کا حصہ بنا کر AGEL کا پائیدار ترقی کی جانب اہم قدم

اڈانی گرین انرجی لمیٹڈ (AGEL)، جو بھارت کی سب سے بڑی قابلِ تجدید توانائی کمپنی ہے، نے اپنی پائیداری کی کوششوں میں ایک بڑا قدم اٹھاتے ہوئے عالمی سطح کے ٹاسک فورس آن نیچر ریلیٹڈ فنانشل ڈسکلوزرز (TNFD) فریم ورک کو اپنی کاروباری حکمت عملی میں شامل کر لیا ہے۔ یہ فریم ورک اداروں کو فطرت اور بایو ڈائیورسٹی سے متعلق انحصار، اثرات، خطرات اور مواقع کا سائنسی بنیادوں پر جائزہ لینے اور شفاف انداز میں افشا کرنے کا طریقہ فراہم کرتا ہے۔ اس اقدام سے AGEL روایتی ESG ماڈل سے آگے بڑھ کر ایک جامع، نیچر پازیٹو ترقیاتی ماڈل کی طرف پیش قدمی کر رہی ہے، جس میں ماحولیات اور توانائی کی توسیع ساتھ ساتھ آگے بڑھیں گے۔

کمپنی نے مالی سال 2024 میں اپنے تمام آپریشنل مقامات پر فطرت سے متعلق انحصار، اثرات اور خطرات کا تفصیلی تجزیہ شروع کر دیا تھا، وہ بھی اس سے پہلے کہ وہ باضابطہ طور پر TNFD ایڈاپٹرز گروپ کا حصہ بنتی۔ اس سے ظاہر ہوتا ہے کہ کمپنی ان عوامل کو سالانہ رپورٹنگ کے بجائے اپنی مرکزی حکمتِ عملی میں شامل کرنا چاہتی ہے۔

AGEL کے سی ای او آشیِش کھنہ نے کہا : “فطرت ہماری ترقی کی کہانی کا مرکز ہے۔ TNFD اصولوں کو اپنی کارروائیوں میں شامل کرکے ہم توانائی کے ڈھانچے کے ساتھ مضبوط ماحولیاتی نظام بنانے کے مواقع تلاش کر رہے ہیں۔ قابلِ تجدید توانائی کی توسیع کو قدرتی وسائل کے تحفظ اور بحالی کے ساتھ جوڑنا ہماری پہلی ترجیح ہے، یہی کاروباری لچک اور پائیدار ویلیو کریشن کے لیے ضروری ہے۔”

TNFD فریم ورک عالمی سائنسی اصولوں پر مبنی نظام ہے جسےUNEP-FI، UNDP، WWF اور گلوبل کینوپی جیسے اداروں نے قائم کیا ہے۔ اس فریم ورک کو اپنانے سے AGEL عالمی قابلِ تجدید توانائی کمپنیوں میں وہ مقام حاصل کر رہی ہے جو بایو ڈائیورسٹی کو فیصلہ سازی میں مرکزی حیثیت دیتے ہیں۔

AGEL، انڈیا بزنس بایو ڈائیورسٹی انیشی ایٹو (IBBI) اور IBBI 2.0 کی بھی دستخط کنندہ ہے اور 2030 تک ’’نو نیٹ لاس آف بایو ڈائیورسٹی‘‘کے ہدف کے لیے پرعزم ہے۔ اس مقصد کے تحت کمپنی ملک بھر میں اپنے منصوبوں کے آس پاس 2 کروڑ 78 لاکھ 60 ہزار درخت لگانے کا منصوبہ رکھتی ہے۔

اڈانی گرین انرجی کے بارے میں
اڈانی گرین انرجی لمیٹڈ بھارت اور دنیا کی نمایاں قابلِ تجدید توانائی کمپنیوں میں شامل ہے، جو شمسی، ہوائی، ہائبرڈ اور انرجی اسٹوریج سسٹمز کا بڑا پورٹ فولیو چلاتی ہے۔ کمپنی کے پاس 12 ریاستوں میں 16.5 گیگاواٹ سے زائد کا فعال گرین انرجی پورٹ فولیو ہے، اور 2030 تک اسے 50 گیگاواٹ تک لے جانے کا ہدف ہے۔
گجرات میں دنیا کا سب سے بڑا 30 گیگاواٹ کا قابلِ تجدید توانائی پراجیکٹ بھی AGEL تعمیر کر رہی ہے، جو 538 مربع کلومیٹر پر پھیلا ہے۔ کمپنی کا موجودہ پورٹ فولیو ’’واٹر پازیٹو‘‘، ’’سنگل یوز پلاسٹک فری‘‘ اور ’’زیرو ویسٹ ٹو لینڈ فل‘‘ سرٹیفائیڈ ہے، جو اس کی پائیدار ترقی کے عزم کی عکاسی کرتا ہے۔

بھارت ایکسپریس اردو