Adani Enterprises Ltd announces H1 FY26 results: اڈانی انٹرپرائزز لمیٹڈ کے ششماہی نتائج کا اعلان، آمدنی میں معمولی کمی، مگر انفراسٹرکچر منصوبوں میں مضبوط پیش رفت

احمد آباد: اڈانی گروپ کی مرکزی کمپنی اڈانی انٹرپرائزز لمیٹڈ (AEL) نے مالی سال 2025-26 کے پہلے نصف حصے (H1 FY26) کے نتائج کا اعلان کیا ہے۔ کمپنی نے رپورٹ کیا کہ اس عرصے میں مجموعی آمدنی (Revenue) ₹44,281 کروڑ رہی، جبکہ ای بی آئی ٹی ڈی اے (EBITDA) ₹7,688 کروڑ اور پرافٹ بيفور ٹيکس (PBT) ₹2,281 کروڑ درج کی گئی۔ کمپنی کے بورڈ نے ₹25,000 کروڑ روپے کے رائٹس ایشو کی منظوری بھی دی ہے تاکہ بیلنس شیٹ کو مزید مستحکم کیا جا سکے اور آئندہ سرمایہ کاری کے مرحلے کو سہارا دیا جا سکے۔

نوی ممبئی ایئرپورٹ کی افتتاحی تقریب اور سڑک منصوبوں کی تکمیل

اڈانی انٹرپرائزز نے حالیہ سہ ماہی میں بڑے منصوبوں کی کامیاب تکمیل کے ذریعے اپنی صلاحیت کا مظاہرہ کیا۔ نوی ممبئی انٹرنیشنل ایئرپورٹ کا 8 اکتوبر 2025 کو افتتاح کیا گیا جو مالی سال 2026 کی تیسری سہ ماہی میں آپریشنل ہوگا۔ اسی دوران کمپنی نے ناناسا۔پیڈگاؤں روڈ پروجیکٹ مکمل کر کے اپنا ساتواں سڑک منصوبہ بھی فعال کر لیا۔ گروپ کے چیئرمین گوتم اڈانی نے کہا کہ ’’نوی ممبئی ایئرپورٹ کا افتتاح ہندوستان کے انفراسٹرکچر کے سفر میں ایک تاریخی سنگ میل ہے۔ ہمارے شراکت دار گوگل کے ساتھ وشاکھاپٹنم میں ملک کا سب سے بڑا AI ڈیٹا سینٹر کیمپس تیار کر رہے ہیں، جو ہندوستان کے پائیدار اور ٹیکنالوجی سے جڑے مستقبل کی سمت ایک اہم قدم ہے۔‘‘

ایئرپورٹس، ڈیٹا سینٹرز اور گرین انرجی شعبے میں نمایاں کارکردگی

کمپنی کے مطابق، ایئرپورٹ بزنس کا ای بی آئی ٹی ڈی اے سال بہ سال 51 فیصد بڑھ کر 2,157 کروڑ روپے تک پہنچ گیا ہے، جبکہ اڈانی کونیکس نے گوگل کے ساتھ شراکت داری کے ذریعے وشاکھاپٹنم میں ہندوستان کا سب سے بڑا مصنوعی ذہانت پر مبنی ڈیٹا سینٹر کیمپس تعمیر کرنے کا منصوبہ شروع کیا ہے۔ اڈانی نیو انڈسٹریز (ANIL) کے گرین ہائیڈروجن یونٹ نے 43 فیصد گھریلو فروخت میں اضافہ کیا اور کمپنی کے ونڈ ڈویژن کو ’’ایپکس انڈیا سیفٹی ایوارڈ 2025‘‘ میں گولڈ ایوارڈ سے نوازا گیا۔

نئے منصوبے: پانی، سڑک اور ropeway کنکشن کی توسیع

اڈانی واٹر لمیٹڈ نے دو نئے منصوبوں کے لیے Letter of Award (LoA) حاصل کیے ہیں، جن میں برہمنی بیراج اور مور ساگر آرٹیفیشل ریزروائر شامل ہیں۔ اسی طرح اڈانی روڈ ٹرانسپورٹ لمیٹڈ (ARTL) نے تین نئے پروجیکٹ حاصل کیے، جن میں سب سے نمایاں سونپریاگ تا کیدارناتھ ropeway منصوبہ ہے، جس کی لمبائی تقریباً 12.9 کلومیٹر ہوگی۔

پائیداری اور ماحولیاتی ایوارڈز میں کامیابی

کمپنی کو’’ٹرانسفارمنس ای ایس جی ایوارڈز 2025‘‘ میں Great Indian ESG Organization of the Year کے خطاب سے نوازا گیا۔ اڈانی نیو انڈسٹریز کو ’’انڈین چیمبر آف کامرس‘‘ کی جانب سے Circular Economy میں شاندار کارکردگی پر ایوارڈ دیا گیا، جبکہ اڈانی نیچرل ریسورسز نے ’’Leadership in Climate Action‘‘ ایوارڈ حاصل کیا جو گرین ہائیڈروجن ٹرک منصوبے کے ذریعے پائیدار مائننگ کی سمت ایک بڑا قدم ہے۔

نتائج کا خلاصہ (H1 FY26):

مجموعی آمدنی: ₹44,281 کروڑ

ای بی آئی ٹی ڈی اے: ₹7,688 کروڑ

پرافٹ بيفور ٹيکس: ₹5,864 کروڑ (بشمول خصوصی منافع ₹3,583 کروڑ)

ایئرپورٹس ای بی آئی ٹی ڈی اے میں 51% اضافہ

25,000 کروڑ روپے کے رائٹس ایشو کی منظوری

اڈانی انٹرپرائزز لمیٹڈ اڈانی گروپ کی مرکزی کمپنی ہے، جو ملک کے بڑے انفراسٹرکچر اور توانائی منصوبوں کی قیادت کرتی ہے۔ کمپنی بندرگاہوں، بجلی، گرین انرجی، گیس، اور خوردہ مصنوعات (اڈانی ولمر) جیسے بڑے شعبوں میں کامیابی کے بعد اب اگلی نسل کے منصوبوں  گرین ہائیڈروجن، ڈیٹا سینٹر، ایئرپورٹ، سڑک اور پیٹروکیمیکل پر توجہ مرکوز کر رہی ہے۔

بھارت ایکسپریس اردو۔