PM Modi’s Visit Banaskantha: ’دیوالی سے پہلے ہی مل گئی سوغات‘، بنَاسکانٹھا میں وزیر اعظم مودی کے دورے کے بعد کسانوں نے کیا اظہارِ تشکر

وزیر اعظم نریندر مودی دو روزہ دورے پر گجرات میں ہیں۔ دورے کے پہلے دن انہوں نے بنَاسکانٹھا کے بھلڑی میں ایک بڑی عوامی ریلی سے خطاب کیا اور 325 کروڑ روپے کی لاگت سے تیار بھارت بووائن بریڈنگ اینڈ ریسرچ سینٹر (بی بی بی آر سی) کا افتتاح کیا۔ وزیر اعظم کے خطاب کے بعد وہاں موجود لوگوں میں زبردست جوش و خروش دیکھنے کو ملا۔ لوگوں نے کسانوں، مویشی پالنے والوں اور خواتین کے لیے وزیر اعظم کی جانب سے کیے گئے کاموں کی جم کر تعریف کی۔

 جلسے کے بعد ایک مقامی شخص نے اپنے ردعمل میں کہا، ’’جب وزیر اعظم یہاں آئے تو ہمیں امید تھی کہ وہ ہمیں کئی بڑے تحفے دیں گے، اور انہوں نے ایسا ہی کیا۔ ہمیں لگتا تھا کہ شاید مویشی پالنے والوں اور کسانوں کے لیے کچھ خاص نہیں ہوگا، لیکن وزیر اعظم نے ہمارے لیے ترقی کے شاندار کام کیے ہیں۔ اس نئی سہولت کے شروع ہونے سے اب ہم کم مویشی رکھ کر بھی پہلے سے کہیں زیادہ دودھ پیدا کر سکیں گے۔ ہم اسی امید کے ساتھ یہاں آئے تھے۔ ہمیں توقع تھی کہ وزیر اعظم ہمیں کوئی بہت قیمتی سوغات دیں گے اور انہوں نے ایسا ہی کیا۔‘‘

انہوں نے مزید کہا کہ وزیر اعظم نے پروگرام کے دوران خواتین کی بھی حوصلہ افزائی کی۔ وہاں ایک خاتون تقریر کرنے کے لیے کھڑی ہوئی تو انہیں لگا کہ شاید وزیر اعظم مودی کی توجہ اس جانب نہ جائے، لیکن انہوں نے خاتون کا حوصلہ بڑھایا اور اسے خطاب کرنے کی دعوت دی۔ انہوں نے خواتین کے لیے بہترین کام کرنے پر وزیر اعظم مودی اور بنَاس ڈیری کے چیئرمین شنکر بھائی چودھری کا تہہ دل سے شکریہ ادا کیا۔

ایک دوسرے دیہاتی نے کہا، ’’وزیر اعظم ہمارے بنَاسکانٹھا ضلع میں آئے اور ہم نے ان کا استقبال بالکل اسی طرح کیا، جیسے دیوالی کا تہوار مناتے ہیں۔‘‘

ایک اور مقامی شخص نے کہا، ’’خواتین ہوں یا بچے، سوئی گام سمیت سرحد تک رہنے والے بنَاسکانٹھا کے لوگوں نے ایک بڑی تبدیلی دیکھی ہے۔ جن علاقوں تک اب نہریں پہنچ گئی ہیں، وہاں پہلے پینے کا پانی بھی دستیاب نہیں تھا۔ اب حالات بدل چکے ہیں۔ مودی جی کے دورے کے بعد امید ہے کہ دیوالی کے آس پاس زیرے کی کاشت کے لیے آب پاشی کا پانی بھی دستیاب ہو جائے گا۔ ہم بنَاسکانٹھا کے لوگ بہت خوش قسمت ہیں کہ وزیر اعظم مودی خود ہمارے درمیان آئے۔‘‘

بھارت ایکسپریس اردو۔