Independence Day: ممبئی سے بنارس تک ترنگوں کی روشنی سے جگمگا اٹھے تاریخی مقامات

نئی دہلی: 79ویں یوم آزادی کے موقع پر ملک بھر کی مشہور عمارتیں ترنگے کے رنگوں میں جگمگا اٹھیں۔ ممبئی میں چھترپتی شیواجی مہاراج ٹرمینس، بی ایم سی اور ودھان بھون سمیت کئی عمارتوں کو ترنگوں کی روشنیوں سے سجایا گیا۔

ممبئی میں 79 ویں یوم آزادی کے موقع پر، چھترپتی شیواجی مہاراج ٹرمینس، برہان ممبئی میونسپل کارپوریشن (بی ایم سی) ہیڈکوارٹر، منترالیہ، لائف انشورنس کارپوریشن آف انڈیا (ایل آئی سی) کی عمارت، ودھان بھون اور بمبئی اسٹاک ایکسچینج (بی ایس ای) کو ترنگوں کی روشنیوں سے سجایا گیا۔

ترنگے کی روشنی بنی سیاحوں کی توجہ کا مرکز

اس کے علاوہ وسئی ویرار سٹی میونسپل کارپوریشن ہیڈ کوارٹر اور شہر کی سڑکوں کو ترنگوں کی روشنیوں میں نہایا دیا گیا۔ ترنگے کی روشنی مقامی لوگوں اور سیاحوں کی توجہ کا مرکز بنی ہوئی ہے۔

اس کے علاوہ، کولکتہ کے ہاوڑہ پل کو 79 ویں یوم آزادی کی یاد میں ترنگے کی روشنیوں سے سجایا گیا تھا۔ اس کے علاوہ وکٹوریہ میموریل کو بھی ترنگوں کی روشنی رنگا ہوا دیکھا گیا جہاں سیاحوں کی بڑی تعداد نے اس نظارے سے لطف اندوز ہوتے ہوئے اس دوران تصاویر بھی کلک کرا وائیں۔

اس کے ساتھ ہی راجستھان کے جودھ پور میں یوم آزادی کے موقع پر ریلوے اسٹیشن، ضلع کلکٹر آفس اور شہر کے اہم چوراہوں کو ترنگوں کی روشنیوں سے جگمگا دیا گیا۔ آپ کو بتا دیں کہ وزیر اعلی بھجن لال شرما جودھپور میں ہیں اور 15 اگست کو برکت اللہ خان اسٹیڈیم میں پرچم کشائی کریں گے۔ اس کے ساتھ وہ ریاست کی عوام کو بھی پیغام دیں گے۔

پوربندر شہر ترنگے کی روشنی میں ڈوبا

اس کے علاوہ گجرات کے پوربندر شہر کو یوم آزادی کے موقع پر ترنگوں کی روشنیوں سے سجایا گیا۔ اس کے علاوہ جھارکھنڈ کی راجدھانی رانچی میں یوم آزادی کے موقع پر جھارکھنڈ ہائی کورٹ کی عمارت کو ترنگے کی روشنیوں میں رنگا ہوا دیکھا گیا۔

وارانسی میں 15 اگست کے موقع پر رونق

اس دوران پی ایم مودی کے پارلیمانی حلقہ وارانسی کاشی میں 15 اگست کے موقع پر ترنگے کی رونق دیکھی گئی۔ وارانسی کینٹ اسٹیشن، سرکٹ ہاؤس، ڈیولپمنٹ اتھارٹی، اسٹیٹ بینک آف انڈیا (ایس بی آئی) سمیت کئی سرکاری عمارتیں ترنگے کے رنگوں میں رنگی نظر آئیں۔ امبیڈکر چوک پر کی گئی سجاوٹ نے شہر کی خوبصورتی میں مزید اضافہ کر دیا۔

ترنگوں کی روشنیوں سے سجایا گیا سلال ڈیم

یوم آزادی کے موقع پر جموں و کشمیر کے ریاسی میں سلال ڈیم کو ترنگوں کی روشنیوں سے سجایا گیا۔ اس خوبصورت نظارے نے ڈیم کی خوبصورتی میں اضافہ کر دیا ہے۔

بھارت ایکسپریس۔