NCC Rally:  وزیراعظم مودی نے این سی سی ریلی میں کہا-ہندوستان کے نوجوانوں کے لئے یہ نئے مواقع کا وقت، جاری کیا 75 روپئے کا یادگاری سکہ

NCC Rally: وزیراعظم نریندرمودی اوروزیردفاع راجناتھ سنگھ نے کریپا پریڈ گراؤنڈ میں سالانہ این سی سی ریلی میں حصہ لیا۔ وزیراعظم نریندر مودی نے این سی سی کے 75 کامیاب سالوں کے موقع پرایک خصوصی ڈے کوراور 75 روپئے کا ایک یادگاری سکہ جاری کیا۔ این سی سی اس سال اپنے قیام کا 75واں سال منا رہا ہے۔ اس کے بعد وزیراعظم مودی نے سالانہ ریلی کو خطاب کیا۔ انہوں نے کہا، ‘آزادی کے 75 سال کے مکمل ہونے پراین سی سی بھی اپنی 75 واں سالگرہ منا رہا ہے، جن لوگوں نے این سی سی کی نمائندگی کی ہے اوراس کا حصہ رہے ہیں، میں ملک کی تعمیرمیں ان کی سراہنا کرتا ہوں’۔

وزیراعظم مودی نے کہا کہ این سی سی کیڈیٹس، ہندوستان کی نوجوان نسل کے طور پرملک کی ‘امرت نسل’ کی نمائندگی کرتے ہیں۔ یہ امرت نسل آنے والے 25 سالوں میں ملک کو ایک نئی اونچائی پر لے جائے گی، ہندوستان کو ‘آتم نربھر’ اورترقی یافتہ بنائے گی۔ اس موقع پر وزیر دفاع راجناتھ سنگھ بھی موجود رہے۔

ملک کی ترقی میں این سی سی کا کردار

وزیراعظم نریندرمودی نے کہا کہ آج اس وقت میرے سامنے جو این سی سی میں کیڈیٹ ہیں وہ تواورخاص ہیں۔ تغیرات سے بھری ہوئی مگرایک بھارت، شریشٹھ بھارت کے بنیادی اصول کو ہندوستان کے کونے کونے میں لے کرجانے والا یہ پروگرام ہمیشہ ہمیشہ یاد رہے گا۔ انہوں نے کہا کہ آپ این سی سی کیڈیٹ کے طور پربھی اورملک کے نوجوان کے طورپربھی ایک امرت نسل کی قیادت کرتے ہیں۔ یہ امرت نسل آنے والے 25 سالوں میں ملک کو ایک نئی اونچائی پرلے جائے گی۔ ہندوستان کو آتم نربھر اورترقی یافتہ بنائے گی۔ ملک کی ترقی میں این سی سی کا کیا کردار ہے، یہ ہم نے دیکھا ہے۔

یہ بھی پڑھیں:  Home Minister Amit Shah in Karnataka: دہشت گردی، آرٹیکل 370 اور رام مندر… کرناٹک الیکشن سے پہلے وزیر داخلہ امت شاہ نے چلا داؤں

وزیراعظم نریندر مودی نے کہا کہ ہندوستان کے نوجوانوں کے لئے یہ نئے مواقع کا وقت ہے۔ ہرکوئی ہندوستان کی بات کر رہا ہے، کہہ رہا ہے ‘بھارت کا وقت آگیا ہے۔ اس کا سہرا بھارت کے نوجوانوں کو دیا جاسکتا ہے۔ وزیراعظم مودی نے کہا کہ جس ملک کے نوجوان جوش وجذبے سے لبریز ہوئے ہوں، اس ملک کی ترجیحات ہمیشہ نوجوان ہی ہوں گے۔ آج کا ہندوستان بھی اپنے سبھی نوجوان ساتھیوں کو وہ اسٹیج دینے کی کوشش کررہا ہے، جو آپ کے خوابوں کو پورا کرسکے۔