بنگلہ دیش کی محمد یونس حکومت نے شیخ حسینہ کے خلاف احتجاج کرنے والوں کے کیس واپس کرنے کا فیصلہ لیا ہے۔ (فائل فوٹو)
بنگلہ دیش کی سابق وزیر اعظم شیخ حسینہ کے خلاف محمد یونس کی عبوری حکومت نے انٹرنیشنل کرائمز ٹریبونل (آئی سی ٹی) میں چارج شیٹ دائر کر دی ہے۔ شیخ حسینہ کے خلاف گزشتہ سال جولائی میں ہونے والے مظاہروں کے دوران انسانیت کے خلاف ہونے والے جرائم کے الزامات عائد کیے گئے ہیں۔
’ڈھاکہ ٹریبیون‘ کی رپورٹ کے مطابق، مذکورہ معاملہ میں سابق وزیر داخلہ اسد الزماں خان کمال اور سابق آئی جی پی چودھری مامون کو بھی شریک ملزم بنایا گیا ہے۔ اس مقدمہ کو بنگلہ دیش ٹیلی ویژن پر براہ راست نشر کیا جا رہا ہے۔ اتوار (1 جون) کو پیش کیے گئے الزامات میں شیخ حسینہ کو جولائی اور اگست میں ملک بھر میں ہونے والے اجتماعی قتل کے لیے کلیدی ملزمہ قرار دیا گیا ہے۔ چیف پراسیکیوٹر محمد تاج الاسلام اور دیگر پراسیکیوٹر مقدمہ داخل کرنے کے دوران موجود تھے۔ اس سے قبل 12 مئی کو تفتیش کاروں نے ایک رپورٹ پیش کی تھی، جس میں کہا گیا کہ طلبہ کی تحریک کو کچلنے کے لیے قتل کا حکم شیخ حسینہ نے ہی دیا تھا۔
آئی سی ٹی کے چیف پراسیکیوٹر تاج الاسلام نے 12 مئی کو کہا کہ حسینہ پر کم از کم 5 الزامات ہیں، جن میں جولائی کی بغاوت کے دوران اجتماعی قتل کو روکنے میں ناکامی، لوگوں کو اکسانا، ملوث ہونا اور سازش کرنا شامل ہے۔ تفتیش کاروں نے اپنی تفتیش کے تحت ویڈیو فوٹیج، آڈیو کلپ، حسینہ کی فون پر بات چیت، ہیلی کاپٹر اور ڈرون کی سرگرمیوں کے ریکارڈ کے ساتھ ساتھ متاثرین کے بیان اکٹھے کیے ہیں۔ حالانکہ شیخ حسینہ نے ان الزامات کو سیاسی طور پر محرک قرار دیتے ہوئے سرے سے خارج کر دیا ہے۔
قابل ذکر ہے کہ آئی سی ٹی نے گزشتہ حکومت سے متعلق اپنا پہلا مقدمہ 25 مئی کو شروع کیا تھا۔ اس معاملہ میں 8 پولیس افسران پر 5 اگست 2024 کو 6 مظاہرین کے قتل کے لیے انسانیت کے خلاف جرائم کا الزام ہے۔ 4 افسران حراست میں ہیں اور 4 پر ان کی غیر موجودگی میں مقدمہ چل رہا ہے۔ آئی سی ٹی کو 1971 میں بنگلہ دیش کی جنگ آزادی کے دوران پاکستانی فوج کی جانب سے کیے گئے جرائم کی تحقیقات کے لیے 2009 میں شیخ حسینہ نے ہی قائم کیا تھا۔
بھارت ایکسپریس اردو۔
واقعے کی اطلاع ملتے ہی مقامی لوگوں کی بھیڑ موقع پر جمع ہوگئی۔ پولیس نے…
بی ایل اے کے مطابق، منگل کے روز اس کے جنگجوؤں نے نوشکی ضلع کے…
کانفرنس کے مختلف اجلاسوں میں کئی اہم موضوعات پر توجہ مرکوز کی جائے گی۔ ان…
بدھ کے روز چین کے صدر شی جن پنگ نے جنوبی چین کے صوبہ گوانگ…
یمن میں تنازع کا آغاز 2014 کے اواخر میں ہوا تھا، جب حوثیوں نے دارالحکومت…
سماجوادی پارٹی کے سربراہ اکھلیش یادو بدھ کے روز اپنے پی ڈی اے رتھ کے…