US vetoes UN Security Council action on Israel: امریکہ نےاسرائیل کو بچانے کیلئے سلامتی کونسل میں غزہ جنگ بندی قرارداد کو ویٹو کردیا

اقوام متحدہ کی سلامتی کونسل میں بدھ کو غزہ میں انسانی بنیادوں پر امداد پہنچانے کے لیے ’تنازع‘ کو روکنے سے متعلق قرارداد کو امریکہ نے ویٹو کر دیا ہے۔برازیل کی جانب سے پیش کیے گئے تحریری مسودے پر دو مرتبہ ووٹنگ میں تاخیر ہوئی جس کے بعد 12 ارکان نے اس کے حق میں ووٹ دیا جب کہ روس اور برطانیہ نے اس میں حصہ نہیں لیا۔ اس قرارداد  کا مقصدغزہ کی پٹی تک انسانی امداد کی رسائی کو ممکن بنانے کے لیے مطالبہ تھا تا کہ اسرائیل اور فلسطینی حماس کے عسکریت پسندوں کے درمیان جنگ میں انسانی بنیادوں پر تؤقف کیا جائے۔

برازیل کی طرف سے تیار کردہ متن پر ووٹنگ گذشتہ دو دنوں میں دو بار تاخیر کا شکار ہوئی کیونکہ امریکہ ایجنٹ کے طور پر غزہ تک امدادی رسائی کی کوشش کرتا ہے۔ واشنگٹن روایتی طور پر اپنے اتحادی اسرائیل کو سلامتی کونسل کی کسی بھی کارروائی سے بچاتا ہے۔اور اس بار بھی اس نے یہی کیا  اور کارروائی سے بچا لیا۔اقوامِ متحدہ کے سکریٹری جنرل آنتونیو گوتریس نے بدھ کے روز مطالبہ کیا کہ یرغمالیوں کی رہائی اور غزہ تک انسانی امداد کی رسائی کے لیے فوری طور پر انسانی بنیادوں پر جنگ بندی کی جائے۔مسودۂ قرارداد میں اسرائیل پر بھی اس کا نام لیے بغیر زور دیا گیا ہے کہ وہ غزہ میں شہریوں اور اقوامِ متحدہ کے عملے کے فلسطینی علاقے کے جنوب میں منتقل ہونے کا حکم واپس لے اور یہ “حماس کے دہشت گرد حملوں” کی مذمت کرتی ہے۔

واضح رہے کہ اسرائیل نے غزہ میں جنگی جرائم کی حدیں بھی پار کرلی ہیں، اسرائیلی فو ج نے غزہ میں زخمیوں سے بھرے اسپتال پر بمباری کردی جس سے زخمی بچوں اور خواتین سمیت 500 فلسطینی شہید ہوگئے ہیں، جبکہ سیکڑوں شدید زخمی ہیں۔غزہ پر اسرائیلی بمباری سے شہید فلسطینیوں کی تعداد ساڑھے 3 ہزار سے تجاوز کر گئی ہے جبکہ 13 ہزار سے زائد زخمی ہیں۔اقوام متحدہ کے سیکریٹری جنرل انتونیو گوتریس سمیت عالمی سطح پر اسرائیل کے اسپتال پر حملے کی مذمت کی گئی۔ انتونیو گوتریس نے کہا کہ اسپتال مقدس ہیں، اسپتال پر اسرائیلی حملہ ناقابل قبول ہے، حماس کے حملے اجتماعی سزا کا جواز نہیں ہو سکتے۔اسپتال پر حملے کی وجہ سے اردن، مصر اور فلسطینی صدور نے خطے کے دورے پر پہنچے امریکی صدر جو بائیڈن سے ملاقات منسوخ کر دی ہے۔

بھارت ایکسپریس۔