بین الاقوامی

US postpones tariff imposed on India: امریکہ نے بھارت پر لگائے گئے ٹیرف کو ٹالا، جانئے نئی تاریخ

واشنگٹن: امریکی صدر ڈونلڈ ٹرمپ کی قیادت والی حکومت نے بھارت سے درآمد کی جانے والی اشیا پر لگائے گئے 25 فیصد ٹیرف کو ایک ہفتے کے لیے ملتوی کر دیا ہے۔ اب یہ ٹیرف یکم اگست کی بجائے 7 اگست سے لاگو ہوگا۔

شام پر عائد کیا گیا سب سے زیادہ ٹیرف

ڈونلڈ ٹرمپ نے بھارت سمیت 92 ممالک پر نئے ٹیرف لگا دیے ہیں۔ یہ 7 اگست سے لاگو ہوگا۔ اس میں بھارت پر 25 فیصد اور پاکستان پر 19 فیصد ٹیرف عائد کیا گیا ہے۔ جنوبی ایشیا میں سب سے کم ٹیرف پاکستان پر عائد کیا گیا ہے۔ پہلے یہ 29 فیصد تھا۔ ساتھ ہی دنیا میں سب سے زیادہ ٹیرف شام پر عائد کیا گیا ہے جو کہ 41 فیصد ہے۔ فہرست میں چین کا نام شامل نہیں ہے۔

ٹرمپ نے 2 اپریل کو ٹیرف کا کیا تھا اعلان

ٹرمپ نے 2 اپریل کو دنیا بھر کے ممالک پر ٹیرف کا اعلان کیا تھا لیکن 7 دن کے بعد اسے 90 دن کے لیے ملتوی کر دیا گیا۔ کچھ دنوں کے بعد 31 جولائی تک کا وقت دیا گیا پھر 90 دنوں میں 90 سودے کرانے کا ہدف مقرر کیا گیا۔ حالانکہ، اس دوران امریکہ صرف 7 ممالک کے ساتھ معاہدہ کرنے میں کامیاب رہا۔

بھارت کا یہ موقف مناسب نہیں ہے: ٹرمپ

بدھ کو نئے ٹیرف کا اعلان کرتے ہوئے، ڈونلڈ ٹرمپ نے سوشل میڈیا پلیٹ فارم ’ٹروتھ سوشل‘ پر ایک پوسٹ میں لکھا، ’’بھارت نے ہمیشہ روس سے زیادہ تر فوجی سامان خریدا ہے اور اب چین کے ساتھ مل کر، روس سے توانائی کا سب سے بڑا خریدار بن گیا ہے۔ ایک ایسے وقت میں جب پوری دنیا روس-یوکرین جنگ کے خاتمے کی امید کر رہی ہے، بھارت کا یہ موقف مناسب نہیں ہے، یہ چیزیں اچھی نہیں ہیں۔‘‘

ٹرمپ کے اعلان پر ہندوستان کا ردعمل

ٹرمپ نے مزید کہا کہ اس لیے بھارت کو 25 فیصد ٹیرف ادا کرنا پڑے گا اور ان وجوہات کی بنا پر اسے اضافی جرمانہ بھی ادا کرنا پڑے گا۔ ساتھ ہی ٹرمپ کے اس اعلان پر ہندوستان نے کہا ہے کہ وہ اپنے ملکی مفادات کے تحفظ کے لیے تمام ضروری اقدامات کرے گا۔

’’حکومت نے ملک کی پوری معیشت کو کیا تباہ‘‘

حزب اختلاف نے ٹرمپ کی طرف سے بھارت پر لگائے گئے اس ٹیرف پر سوالات اٹھائے ہیں۔ لوک سبھا میں قائد حزب اختلاف راہل گاندھی نے ہندوستان پر 25 فیصد امریکی ٹیرف کے بعد حکومت کی پالیسی پر سوال اٹھایا۔ راہل گاندھی نے کہا کہ بی جے پی ملک کو چلانا نہیں جانتی۔ اس حکومت نے ملک کی پوری معیشت کو تباہ کر دیا ہے۔

اس سے قبل یہ ٹیرف یکم اگست بروز جمعہ سے نافذ ہونا تھے لیکن ٹرمپ نے یہ فیصلہ ایک ہفتے کے لیے ملتوی کر دیا ہے۔ ایک ایگزیکٹیو آرڈر میں جس کا عنوان تھا ’فردر ریویژنز ان ریسیپروکل ٹیرف ریٹس‘ میں صدر ٹرمپ نے دنیا کے تقریباً 70 ممالک کے لیے ٹیرف کی شرحوں کا اعلان کیا تھا۔ ہندوستان ان بڑے ممالک میں سے ایک ہے۔

بھارت ایکسپریس۔

Md Hammad

Recent Posts

Heavy Rain in South 24 Parganas: سمندری طوفان ’اکوان‘ کے باعث جنوبی 24 پرگنہ میں شدید بارش، ندیوں اور سمندر میں طغیانی

مسلسل بارش کے باعث دھان کے کھیتوں میں پانی بھر گیا ہے، جس سے کسانوں…

14 minutes ago

IND Vs NZ Test Series: نیوزی لینڈ کی سرزمین پر ہندوستانی اوپنرز کا 32 سال بعد بڑا کارنامہ، راہل اور جیسوال نے بنائے کئی ریکارڈ

گزشتہ دو سال سے ہندوستانی ٹیسٹ اوپننگ جوڑی ٹیم کو اچھی شروعات تو دے رہی…

34 minutes ago

Trump Postpones Potential Attack on Iran: ایران پر حملے کا فیصلہ نئے سال تک ٹالا، ٹرمپ بولے: ایران گیس اور حیاتیاتی ہتھیاروں پر غور کر رہا ہے

 ٹرمپ نے دعویٰ کیا کہ ایسے اشارے ملے ہیں کہ ایران حیاتیاتی اور کیمیائی ہتھیاروں…

2 hours ago