Russia-Ukraine War: یوکرین نے کیا روس پر اب تک کا سب سے بڑا ڈرون حملہ، یوکرین نے کیا روس کے ’’40 سے زیادہ‘‘ جہاز تباہ کرنے کا دعویٰ

یوکرین نے اتوار کے روز روس پر اپنے سب سے بڑے ڈرون آپریشن کا آغاز کیا، جس نے یوکرین کی سرحد سے ہزاروں کلومیٹر دورمشرقی سائبیریا میں واقع ایک اڈے پر حملہ کیا۔ ارکتسک ریجن کے روسی گورنر نے اس حملے کی تصدیق کرتے ہوئے کہا کہ یوکرین کے ریموٹ پائلٹ طیارے نے سریڈنی گاؤں میں ایک فوجی یونٹ پر حملہ کیا۔ یوکرین کی طرف سے یہ سائبیریا میں پہلا حملہ ہے۔

یوکرین میڈیا نے دعویٰ کیا ہے کہ یوکرین کی سیکیورٹی سروس (ایس بی یو) کے ایک بڑے پیمانے پر کیے گئے خصوصی آپریشن نے روسی ایئر بیسز پر حملہ کرتے ہوئے ’’40 سے زیادہ‘‘ روسی طیاروں کو تباہ کر دیا ہے۔ وہیں رائٹرز کی خبر کے مطابق ایس بی یو کی طرف سے کیے گئے حملوں نے اتوار کو روس کے چار فوجی اڈوں کو بیک وقت نشانہ بنایا، جن میں اولنیا اور بیلیا کے ہوائی اڈے بھی شامل ہیں۔

روس کے بمبار جہازوں کو تباہ کرنا ہے یوکرین کا مقصد

یوکرین کے ڈرون حملوں میں تباہ ہونے والے طیاروں میں Tu-95 اور Tu-22M3 بمبار طیارے بھی شامل ہیں اور کم از کم ایک A-50 بھی۔ خبر رساں ایجنسی اے ایف پی نے ذرائع کا حوالہ دیتے ہوئے رپورٹ کیا ہے کہ روس میں یوکرین کے اس حملے کا مقصد روس کے بمبار جہازوں کو تباہ کرنا ہے۔ اگر اس حملے میں ہوئے نقصانات کی تصدیق ہو جاتی ہے تو یہ اس جنگ کا سب سے زیادہ نقصان پہنچانے والا یوکرینی حملہ ہوگا اور روس کو اس سے ایک بڑا دھچکا لگے گا۔

یوکرین نے حملہ آور ڈرونز کا ایک بڑا بیڑا تیار کر لیا ہے، جسے وہ ماضی میں بھی روسی فوجی اور تیل کی تنصیبات پر حملے کے لیے استعمال کر چکا ہے۔ دریں اثنا روس نے پیر کو استنبول میں مذاکرات کے نئے دور کی تجویز پیش کی تھی جسے یوکرین نے قبول کر لیا تھا۔ یوکرین کے صدر ولادیمیر زیلنسکی نے کہا ہے کہ مذاکرات ’’مکمل اور غیر مشروط جنگ بندی‘‘ اور قیدیوں اور مغوی بچوں کی واپسی پر مبنی ہوگی۔

بھارت ایکسپریس اردو