7.5 شدت کے زلزلے سے لرز اٹھا تائیوان، عمارتیں منہدم، بجلی غائب، 25 سال کا بدترین زلزلہ
Taiwan Earthquake: بدھ (3 اپریل) کی صبح تائیوان کے دارالحکومت تائی پے میں زلزلے کے شدید جھٹکے محسوس کیے گئے۔ ریکٹر اسکیل پر زلزلے کی شدت 7.5 ناپی گئی جو خطرناک زمرے میں آتی ہے۔ تائیوان میں 25 سالوں میں آنے والا یہ بدترین زلزلہ ہے۔ خبر رساں ادارے روئٹرز کی رپورٹ کے مطابق زلزلے کے جھٹکے اتنے شدید تھے کہ تائی پے کے کئی علاقوں میں بجلی چلی گئی۔ زلزلے کے فوری بعد پڑوسی ملک جاپان الرٹ ہوگیا اور سونامی کی وارننگ جاری کردی۔ لوگوں کو نشیبی علاقوں سے نکلنے کو بھی کہا گیا ہے۔
زلزلے کے شدید جھٹکوں سے کسی کے ہلاک یا زخمی ہونے کی ابھی تک کوئی خبر نہیں ہے۔ تاہم سوشل میڈیا پر سامنے آنے والی ویڈیوز میں زلزلے کے باعث کئی مقامات پر لینڈ سلائیڈنگ اور عمارتیں گرنے کی خبریں ہیں۔ وولکانو ڈسکوری کی رپورٹ کے مطابق زلزلے کے جھٹکے مقامی وقت کے مطابق صبح نو بجے محسوس کیے گئے۔ زلزلے کی گہرائی 35 کلومیٹر تھی اور اس کے جھٹکے ملک کے بڑے حصے میں محسوس کیے گئے۔ زلزلے کی گہرائی کے باعث اس کے مرکز میں شدید جھٹکے محسوس کیے گئے۔
دیکھئے تائیوان میں زلزلے کی ویڈیو
تائیوان نے بھی سونامی کا جاری کیا الرٹ
سی این این کی رپورٹ کے مطابق زلزلے کا مرکز ہولین شہر سے تقریباً 18 کلومیٹر جنوب میں تھا۔ تائیوان کی سنٹرل ویدر ایڈمنسٹریشن نے بھی زلزلے کے بعد سونامی کی وارننگ جاری کر دی ہے۔ سی ڈبلیو اے کی جانب سے رہائشیوں کو سونامی الرٹ بھیج دیا گیا ہے۔ کہا گیا ہے کہ شمالی ساحلی علاقوں میں سونامی آسکتا ہے۔ لوگوں سے کہا گیا ہے کہ وہ فوری طور پر اونچائی والے علاقوں میں چلے جائیں۔ 7.5 شدت کے زلزلے کے بعد مزید کئی جھٹکے بھی محسوس کیے گئے ہیں۔ ان میں سے کچھ زلزلوں کی شدت 6.5 تھی۔
جاپان میں 10 فٹ بلند سونامی کا الرٹ
اسی دوران تائیوان کے پڑوسی ملک جاپان نے بھی شدید زلزلے کے بعد سونامی کا الرٹ جاری کر دیا۔ جاپان کی میٹرولوجیکل ایجنسی نے 3 میٹر (10 فٹ) اونچی سونامی لہروں کی وارننگ جاری کی ہے۔ جاپان شدید زلزلے کے بعد کسی قسم کا خطرہ مول نہیں لینا چاہتا۔ سونامی کی وارننگ جاری کرتے ہوئے اوکی ناوا کے جنوبی حصے میں لوگوں کو ساحلی علاقوں سے دور رہنے کو کہا گیا۔ انہیں یہاں سے نکل جانے کو کہا گیا ہے، تاکہ سونامی سے ان کی جان بچائی جا سکے۔ جاپان کا میاکوجیما جزیرہ تائیوان کے قریب ہے۔
-بھارت ایکسپریس
سنبھل میں یو پی پی سی ایل کے سب ڈویژنل افسر سنتوش ترپاٹھی نے کہاکہ…
حادثے کے فوری بعد پولیس نے ڈمپر ڈرائیور کو گرفتار کر لیاہے۔ پولیس کے مطابق…
یہ انکاؤنٹر پیلی بھیت کے پورن پور تھانہ علاقے میں ہواہے۔پولیس کو اطلاع ملنے کے…
اللو ارجن کے والد نے کہا کہ فی الحال ہمارے لیے کسی بھی چیز پر…
روپ وے پراجیکٹ پر وشنو دیوی سنگھرش سمیتی کے ارکان کا کہنا ہے کہ تشکیل…
اپیندر رائے نے اس ملاقات کے بارے میں اپنی ایکس پوسٹ میں لکھا کہ، ’’چیف…