-بھارت ایکسپریس
لارڈمیئر منتخب ہونے کے بعد سرٹیفکیٹ حاصل کرتے ہوئے سمیر پانڈے
Indian-Australian Sameer Pandey: سڈنی کے نیو ساؤتھ ویلز میں سٹی آف پیراماٹا کونسل نے کونسلر سمیر پانڈے کو اپنا نیا لارڈ میئر منتخب کیا ہے۔ سی آر پانڈے، جو پیراماٹا وارڈ کی نمائندگی کرتے ہیں، شہر کے پہلے لارڈ میئر ہیں جو ہندوستانی نژاد ہیں۔ وہ سب سے پہلے ستمبر 2017 میں سٹی آف پیراماٹا کونسل کے لیے منتخب ہوئے تھے، اور جنوری 2022 میں ڈپٹی لارڈ میئر کے طور پر منتخب ہوئے تھے۔ سی آر پانڈے، جن کا آئی ٹی بینک گراونڈ ہے، انہوں نے بہت سارا اہم کام بھی کیا ہے، خاص طور پر بڑے پروجیکٹس جیسے کہ آبی مرکز، ٹاؤن ہال اور ریور سائیڈ تھیٹر کی بحالی وغیرہ۔ ان تمام کارناموں کی وجہ سے وہ عوامی حلقوں میں کافی مشہور بھی ہیں اور لوگ عزت کی نگاہ سے بھی دیکھتے ہیں۔
ایک بیان میں سی آر پانڈے نے کہا کہ آسٹریلیا میں تیزی سے ترقی کرنے والے مراکز میں سے ایک کی کونسل کی قیادت کرنا میرے لئے اعزاز کی بات ہے۔ پیراماٹا شہر گریٹر سڈنی کا جغرافیائی مرکز ہے اور ایک بڑا اقتصادی پاور ہاؤس ہے ۔ ساتھ ہی سڈنی میں رہنے کے لیے بہترین جگہ بھی ہے۔ پیراماٹا ایک متحرک اور متنوع کمیونٹی کا گھر ہے اور میں اس شہر کی قیادت کرنے کے لیے پرجوش ہوں کیونکہ یہ خود کو سڈنی کے دوسرےسی بی ڈی اور اس کے چند انتہائی دلچسپ مواقع کا مرکز بناتا ہے۔
سی آر ڈونا ڈیوس ایم پی نے پیراماٹا کے ریاستی رکن کے طور پر اپنے انتخاب کے بعد اس رول سے استعفیٰ دے دیا۔ وہ ستمبر 2024 میں اگلے بلدیاتی انتخابات تک کونسلر کے طور پر کام جاری رکھیں گی۔ نیوساوتھ ویلزقوانین پارلیمنٹ کے لیے منتخب ہونے والے کونسلر کو اپنی مدت ختم ہونے تک یا دو سال کے لیے، جو بھی کم ہو، کونسل میں رہنے کی اجازت دیتے ہیں۔ جون میں کونسل کے اگلے اجلاس میں نئے ڈپٹی لارڈ میئر کا انتخاب کیا جائے گا۔
وزیر خارجہ ایس۔ جے شنکر کا بیان سامنے آیا ہے۔ انہوں نے اتوار (07 جولائی)…
بہار میں گزشتہ 24 گھنٹوں میں آسمانی بجلی نے تباہی مچا دی ہے۔ ریاست میں…
اس ملک میں مرنے کے خواہش مند شخص کے لیے یہ شرط بھی عائد کر…
پروفیسر انیس الرحمن نے کہا کہ جوش کئی معنوں میں اہم شاعر ہیں،زبان کی سطح…
بھارت نے ٹاس جیت کر پہلے بیٹنگ کرتے ہوئے اسکور بورڈ پر 234 رنز بنائے۔…
وزیر اعلی چندرا بابو نائیڈو نے متاثرین کو مناسب معاوضہ ملنے کو یقینی بنانے کی…