26/11 Mumbai Attack: پاکستانی گنہگار تہور رانا کو امریکی عدالت سے جھٹکا، ہندوستان لانے کا راستہ کھلا

اس فیصلے کے بعد تہوررانا کی جلد بھارت حوالگی کی امیدیں بڑھ گئی ہیں۔ تہوررانا 2008 میں ممبئی میں ہونے والے خوفناک دہشت گردانہ حملے میں مطلوب ہے۔ تہورحسین رانا پاکستانی نژاد کینیڈین بزنس مین ہیں۔ اسے ہندوستان کے مالیاتی دارالحکومت ممبئی میں دہشت گردانہ حملے میں ملوث دہشت گرد تنظیم کی مدد کرنے کے سنگین الزامات کا بھی سامنا ہے۔

عدالت نے تہوررانا کو ایک غیر ملکی دہشت گرد تنظیم کو امداد فراہم کرنے کے علاوہ ڈنمارک میں دہشت گردانہ حملوں کو انجام دینے کی ناکام سازش کرنے کا بھی قصوروار ٹھہرایا۔ حالانکہ تہور رانا کے پاس اس فیصلے کے خلاف اپیل کرنے کا متبادل ہے۔ ہندوستان میں اپنی حوالگی کو روکنے کے لئے تہور رانا کے پاس قانونی متبادل ختم نہیں ہوئے ہیں۔

2008 میں 10 پاکستانی دہشت گردوں نے ممبئی کو دہلایا تھا

واضح رہے کہ سال 2008 میں پاکستان سے کشتی کے ذریعہ لشکرطیبہ کے 10 گرد ممبئی میں داخل ہوئے تھے۔ ان دہشت گردوں نے تقریباً 60 گھنٹے تک ممبئی کو یرغمال بنائے رکھا تھا۔ اس دوران دہشت گردوں نے 160 سے زیادہ لوگوں کا قتل کردیا تھا۔ اس حادثہ میں 26 غیرملکی شہری بھی مارے گئے تھے۔ اس حملے سے پورا ملک حیران رہ گیا تھا۔

166 افراد ہوئے تھے ہلاک

سیکورٹی اہلکاروں نے جوابی کارروائی کرتے ہوئے 9 دہشت گردوں کومارگرایا تھا۔ جبکہ ایک دہشت گرد اجمل قصاب کوزندہ پکڑا گیا،جسے بعد میں پھانسی کی سزا سنائی گئی۔ نومبر2012 میں اسے پھانسی پرلٹکا دیا گیا۔ میڈیا رپورٹس کے مطابق، پاکستانی فوج میں سابق میڈیل آفیسرتہورحسین رانا 1990 میں کناڈا چلا گیا تھا۔ شیکاگوجانے سے پہلے وہ کناڈا کا شہری بن گیا۔