Shelling, looting in Sudan: سوڈان میں جنگ بندی کی میعاد ختم ہوتے ہی لوٹ مار اور گولہ باری شروع

Shelling, looting in Sudan: سوڈآن میں خانہ جنگی کا دورر اپنے شباب کی طرف بڑھتا ہوا دکھائی دے رہا ہے۔خبر ہے کہ سوڈان کے دارالحکومت کے مغربی علاقوں میں  حریف فوجی دھڑوں کے درمیان رات بھر لڑائی ہوئی ہے، رہائشیوں نے بتایا کہ خرطوم اور دارفر کے مغربی علاقے میں  مسلسل رات بھر گولے بارود چلتے رہے ہیں ۔ فوج اور پیرا ملٹری ریپڈ سپورٹ فورسز آر ایس ایف کے درمیان لڑائی، جو سات ہفتوں سے زیادہ عرصے سے ایک دوسرے سے برسرپیکار ہیں، پیر کی صبح سعودی عرب اور امریکہ کی ثالثی میں جنگ بندی کے معاہدے کی معیاد ختم ہونے کے بعد شدت اختیار کر گئی۔ اس تنازعے نے سوڈان کے اندر 1.2 ملین سے زیادہ لوگوں کو پوری طرح سے بے گھر کردیا ہے اور تقریباً 400,000 کو ہمسایہ ممالک میں بھاگنے پر مجبور کردیا ہے، جس سے دارالحکومت کو بھاری نقصان پہنچا ہے جہاں کے باقی رہائشی لڑائیوں، فضائی حملوں میں پھنسے ہوئے ہیں۔

 اتوار کے آخر میں، رہائشیوں نے تین شہروں میں شدید لڑائی کی اطلاع دی جو ملک کے وسیع تر دارالحکومت خرطوم، اومدرمان اور بحری پر مشتمل ہیں اور پیر کے اوائل میں کئی علاقوں سے دھواں اٹھتا دیکھا گیا ہے۔ مقامی رہائشی محمد صالح نے کہا کہ “ہمدرمن کے مرکز میں جس محلے میں ہم رہتے ہیں وہاں روزانہ کی بنیاد پر  لوٹ مار  جاری ہے اور اسے روکنے کے لیے کوئی مداخلت نہیں کرتا، ہمارے اردگرد جھڑپیں اور گولہ باری جاری رہتی ہے۔ایک اور رہائشی ولید آدم نے کہا کہ خرطوم مشرقی ضلع میں آر ایس ایف کے دستے جو دارالحکومت کے آس پاس کے علاقوں میں پھیل چکے ہیں مکمل کنٹرول کرچکے ہیں اور بڑے پیمانے پر لوٹ مار کر رہے ہیں۔ انہوں نے بتایا کہ ” وہ سب سامان، کاریں، پیسہ، سونا لوٹ رہے ہیں – جو کچھ بھی وہ اپنے ہاتھ میں لے سکتے ہیں، لے جارہے ہیں۔

وہیں دوسری جانب آر ایس ایف کا کہنا ہے کہ وہ لوٹ مار کرنے والوں کو گرفتار کر کے شہریوں کے تحفظ کے لیے کام کر رہی ہے۔لڑائی نے سوڈان کے مغربی حصے میں دارفر میں بھی بدامنی کو جنم دے دیا ہے، یہ علاقہ جو پہلے ہی تنازعات کی وجہ سے بڑے پیمانے پر نقل مکانی کا شکار تھا ، جہاں کئی شہروں اور قصبوں کے رہائشیوں نے عرب خانہ بدوش قبائل سے منسلک ملیشیا کے حملوں کی اطلاع دی تھی، اب مزید سنگین صورتحال سے دوچار ہے۔

علاقے کی نگرانی کرنے والے کارکنوں کے مطابق، حالیہ دنوں میں شمالی دارفر ریاست کے کوٹم میں کم از کم 40 افراد ہلاک اور درجنوں زخمی ہوئے ہیں۔ رہائشیوں نے علاقے میں بڑے پیمانے پر لوٹ مار اور عدم تحفظ کی بھی اطلاع دی ہے۔پیر کے روز،آر ایس ایف جس کا دارفر میں پاور بیس ہے اور اس کی ابتدا عرب اکثریتی ملیشیا سے ہوئی ہے، نے ایک ویڈیو جاری کیا جس میں یہ ظاہر کیا گیا کہ انہوں نے کُٹم میں فوج کے ہیڈ کوارٹر پر قبضہ کر لیا ہے، جو ایک تجارتی مرکز اور ایک بڑے قصبے میں سے ایک ہے۔دارفر کے کچھ حصوں میں طویل مواصلاتی بلیک آؤٹ رہے ہیں، جہاں امدادی گروپوں کو انسانی بنیادوں پر نئی سپلائیز پہنچانا خاص طور پر پیچیدہ معلوم ہوا ہے۔

بھارت ایکسپریس۔