India-Serbia friendship is truly special—PM Modi: پی ایم مودی کے تاریخی ریکارڈ پر سربیا کے صدر کی مبارکباد، مودی نے کہا: بھارت-سربیا دوستی ہمارے لیے بے حد اہم

نئی دہلی : وزیراعظم نریندر مودی نے بھارت کی  سیاسی تاریخ میں ایک اور اہم سنگ میل اپنے نام کر لیا ہے۔ وہ ملک کی تاریخ میں مسلسل سب سے طویل مدت تک عہدے پر رہنے والے منتخب وزیراعظم بن گئے ہیں۔ اس تاریخی کامیابی پر دنیا بھر کے لیڈروں کی جانب سے انہیں مبارکباد کے پیغامات موصول ہو رہے ہیں۔ اسی سلسلے میں سربیا کے صدر الیگزینڈر ووچیچ نے بھی وزیراعظم مودی کو خصوصی مبارکباد پیش کی، جس پر وزیراعظم نے ان کا شکریہ ادا کرتے ہوئے بھارت اور سربیا کے تعلقات کو مزید مضبوط بنانے کے عزم کا اظہار کیا۔10 جون 2026 کو نریندر مودی نے بھارت کے پہلے وزیراعظم پنڈت جواہر لال نہرو کا ایک اہم ریکارڈ توڑ دیا۔ پنڈت نہرو مسلسل 4,398 دن تک وزیراعظم کے منصب پر فائز رہے تھے، جب کہ نریندر مودی نے 4,399 دن مکمل کرکے ملک کی تاریخ میں سب سے طویل مدت تک مسلسل خدمات انجام دینے والے منتخب وزیراعظم کا اعزاز حاصل کر لیا۔

Thank you President Vučić for your warm and heartfelt wishes.

I fondly recall your recent visit to India and our productive discussions. India deeply values its friendship with Serbia and I look forward to working together to further strengthen our partnership in the years… https://t.co/dVZnPPrFc6

— Narendra Modi (@narendramodi) June 14, 2026

اس موقع پر سربیا کے صدر الیگزینڈر ووچیچ نے وزیراعظم مودی کو مبارکباد دیتے ہوئے ان کی قیادت اور عوامی خدمت کو سراہا۔ جواب میں وزیراعظم مودی نے سوشل میڈیا پر ایک پیغام جاری کرتے ہوئے کہا کہ صدر ووچیچ کا محبت بھرا مبارکبادی پیغام پاکر انہیں بے حد خوشی ہوئی۔ انہوں نے کہا کہ وہ صدر ووچیچ کے حالیہ دورۂ بھارت اور دونوں رہنماؤں کے درمیان ہونے والی مفید اور تعمیری بات چیت کو بڑی خوشی سے یاد کرتے ہیں۔وزیراعظم مودی نے اپنے پیغام میں کہا، “بھارت، سربیا کے ساتھ اپنی برسوں پرانی دوستی کو بہت اہمیت دیتا ہے۔ میں آنے والے برسوں میں آپ کے ساتھ مل کر اس شراکت داری کو مزید مضبوط بنانے کے لیے پُرامید ہوں۔”

حالیہ برسوں میں بھارت اور سربیا کے تعلقات میں نمایاں بہتری دیکھنے کو ملی ہے۔ دونوں ممالک مختلف شعبوں میں تعاون کو فروغ دینے کے لیے سرگرم ہیں۔ چند ماہ قبل بھارت میں منعقدہ “اے آئی امپیکٹ سمٹ” کے دوران وزیراعظم مودی اور صدر ووچیچ کے درمیان ایک اہم دوطرفہ ملاقات ہوئی تھی، جس میں دفاع، مینوفیکچرنگ، ڈیجیٹل پبلک انفراسٹرکچر (ڈی ٖ پی آئی) ، کھاد سازی اور بنیادی ڈھانچے سمیت کئی اہم شعبوں میں تعاون بڑھانے پر تفصیلی تبادلہ خیال کیا گیا تھا۔

سیاسی مبصرین کے مطابق دونوں ممالک کے درمیان بڑھتے ہوئے روابط اس بات کا اشارہ ہیں کہ بھارت اور سربیا نہ صرف ایک دوسرے کے ساتھ دوستانہ تعلقات کو مزید مستحکم کرنا چاہتے ہیں بلکہ اقتصادی، تکنیکی اور تزویراتی شعبوں میں بھی نئی شراکت داری قائم کرنے کے خواہاں ہیں۔ یہ تازہ سفارتی رابطہ اس بات کی عکاسی کرتا ہے کہ بھارت اور سربیا جمہوریت، خودمختاری اور ترقی کے مشترکہ اصولوں پر کاربند رہتے ہوئے اپنے تعلقات کو نئی بلندیوں تک پہنچانے کے لیے پُرعزم ہیں۔ ماہرین کا ماننا ہے کہ آنے والے برسوں میں دونوں ممالک کے درمیان تجارت، سرمایہ کاری اور ٹیکنالوجی کے شعبوں میں تعاون مزید مضبوط ہوگا۔

بھارت ایکسپریس اردو