Israel Palestine War: یوروپی یونین کا بڑا فیصلہ، فلسطین کی مدد جاری رکھنے کا اعلان

Israel Palestine War: حماس-اسرائیل جنگ کے درمیان یوروپی یونین نے بڑا کیا ہے۔ یوروپی یونین فلسطینیوں کے لئے مالی مدد جاری رکھے گا۔ اس سے پہلے ایک افسر نے دعویٰ کیا تھا کہ اسرائیل پر حماس جنگجوؤں کے حملوں کے مد نظر بلاک کی سبھی مالی مدد معطل کردی جائے گی۔ اس کے بعد یوروپی یونین نے وضاحت دیتے ہوئے کہا ہے کہ یوروپی یونین فلسطینیوں کے لئے مالی مدد جاری رکھے گا۔

 سی این این کی رپورٹ کے مطابق، پیر کے روز یعنی 9 اکتوبر کو سوشل میڈیا پوسٹ کی ایک سیریز میں، یورپی کمشنراولیورورہیلی نے کہا کہ کمیشن 7 اکتوبر کے حملوں کے تناظر میں اگلے جائزے تک تمام فلسطینی فنڈنگ ​​معطل کر دے گا۔ ان کے تبصروں کے جواب میں، یورپی کمیشن نے کہا کہ وہ فلسطین کے لیے یورپی یونین کی امداد کا فوری جائزہ لے رہا ہے، لیکن یہ جائزہ یورپی شہری تحفظ اور انسانی امداد کے آپریشن (ای سی ایچ او) کے تحت فراہم کی جانے والی انسانی امداد سے متعلق نہیں ہے۔

ایک بیان میں کہا گیا کہ موجودہ حفاظتی اقدامات کےعلاوہ اس جائزہ کے پیش نظریہ یقینی بنانا ہے کہ یوروپی یونین کی کوئی بھی فنڈنگ ​​بالواسطہ طورپرکسی دہشت گرد تنظیم کو اسرائیل کے خلاف حملے کرنے کے قابل نہ بنائے۔ کمیشن نے یہ بھی کہا کہ وہ حماس کی طرف سے اسرائیل کے خلاف کئے گئے دہشت گردانہ حملوں کی غیر واضح طورپرمذمت کرتا ہے۔

یہ بھی پڑھیں:  Israel-Palestine Conflict: فلسطین-اسرائیل جنگ میں ہزاروں افراد ہلاک، سعودی عرب، ترکی، یواے ای، ایران اور پاکستان سمیت مسلم ممالک کا موقف آیا سامنے

سی این این کی رپورٹ کے مطابق، ورہیلی کے تبصروں کے بعد یورپی کمشنر برائے کرائسز منیجمنٹ جینزلینارک نے کہا کہ فلسطینیوں کے لئے انسانی امداد جاری رہے گی۔ گرچہ میں حماس کی طرف سے کئے گئے دہشت گردانہ حملے کی شدید مذمت کرتا ہوں، لیکن شہریوں کی حفاظت اور بین الاقوامی انسانی قانون کا احترام کرنا ضروری ہے۔ افسرنے کہا کہ “ضرورت مند فلسطینیوں کے لئے یورپی یونین کی انسانی امداد اس وقت تک جاری رہے گی، جب تک اس کی ضرورت ہے۔” یورپی یونین کی خارجہ پالیسی کے سربراہ جوزپ بوریل نے بھی پیر کے روز اس بات کا اعادہ کیا کہ یورپی کمیشن کے ذریعے اعلان کردہ فلسطین کے لئے یورپی یونین کی امداد کا جائزہ منصفانہ ادائیگیوں کو معطل نہیں کرے گا۔