Hamas Israel War:قطر کے وزیر اعظم شیخ محمد بن عبدالرحمان الثانی نے حماس اور اسرائیل کے ساتھ جاری معاہدے میں ثالثی کی ذمہ داری قبول کی

Hamas Israel War: حماس کے ہاتھوں یرغمالیوں کی رہائی کی قیاس آرائیوں کے درمیان امریکی صدر جو بائیڈن نے عندیہ دیا ہے کہ یہ معاہدہ اب تکمیل کے قریب ہے۔ اس سے قبل واشنگٹن پوسٹ کی ایک رپورٹ میں دعویٰ کیا گیا تھا کہ امریکا، اسرائیل اور حماس کے درمیان ایک عارضی معاہدہ طے پا گیا ہے۔ جس کے تحت حماس بچوں اور خواتین کو اپنی قید سے رہا کرے گا۔جس کے بدلے میں اسرائیل پانچ دنوں کے لیے جنگ روک دے گا۔

جو بائیڈن تھینکس گیونگ تقریب میں تقریر کر رہے تھے۔اسی دوران ایک رپورٹر نے حماس کے ساتھ معاہدے کے بارے میں سوال کیا۔ انہوں نے پوچھا- کیا ایسی اطلاعات ہیں کہ معاہدہ مکمل ہونے کے قریب ہے؟ رپورٹر کے جواب میں بائیڈن نے کہا کہ ہاںمجھے ایسا یایقن ہے۔

اسرائیل نے کیا تھا انکار

اسرائیلی وزیر اعظم بنجمن نیتن یاہو نے پیر کو ایسے کسی بھی معاہدے سے انکار کیا تھا۔ انھوں نے کہا تھا کہ ’گزشتہ دنوں میڈیا میں یرغمالیوں کی رہائی کے لیے کیے گئے کچھ معاہدوں کے حوالے سے غلط خبریں چل رہی ہیں۔ انہوں نے کہا کہ اگر کوئی معاہدہ ہوا تو ہم اسے اسرائیلی عوام کے سامنے پیش کریں گے۔

امریکی صدر جو بائیڈن نے اب اعتراف کیا ہے کہ حماس کے ساتھ معاہدہ آخری مراحل میں ہے۔ ایک روز قبل وائٹ ہاؤس کی قومی سلامتی کونسل کی ترجمان ایڈرین واٹسن نے کہا تھا کہ ’’ہم ابھی تک کسی معاہدے پر نہیں پہنچے ہیں لیکن ہم ایک معاہدے تک پہنچنے کی کوشش کر رہے ہیں‘‘۔

یہ بھی پڑھیں: فائنل میں شکست کے بعد پی ایم مودی ٹیم انڈیا کے ڈریسنگ روم پہنچے، کھلاڑیوں کا بڑھایا حوصلہ

کیا قطر ثالثی کر رہا ہے؟

قطر کے وزیر اعظم شیخ محمد بن عبدالرحمان الثانی نے حماس اور اسرائیل کے ساتھ جاری معاہدے میں ثالثی کی ذمہ داری قبول کر لی ہے۔ انہوں نے امید ظاہر کی کہ معاہدہ آخری مراحل میں ہے، صرف معمولی رسمی کارروائیاں باقی ہیں۔ انہوں نے کہا کہ معاہدہ تقریباً مکمل ہو چکا ہے، بس کچھ چھوٹے اور چیلنجنگ عملی مسائل باقی ہیں۔

بھارت ایکسپریس