بین الاقوامی

Philippines Earthquake: فلپائن کے شہر  منڈاناؤ میں زلزلے کے شدید جھٹکے، لوگوں میں  خوف و ہراس کا ماحول، سونامی الرٹ جاری

فلپائن کے علاقے منڈاناؤ میں جمعہ17 اکتوبر 2025 کو شدید زلزلے کے جھٹکے محسوس کیے گئے۔ زلزلے کی شدت 6.1 ریکارڈ کی گئی، جس کی تصدیق جرمن ریسرچ سینٹر فار جیو سائنسز نے کی ہے۔ ایک ہفتہ قبل اسی علاقے میں 7.5 شدت کا تباہ کن زلزلہ آیا تھا، جس نے خطے میں شدید تباہی مچائی تھی۔ زلزلے کے حالیہ جھٹکے سے عوام میں شدید خوف و ہراس پھیل گیا۔ لوگ گھروں سے باہر نکل کر کھلے میدانوں میں پناہ لینے پرمجبور ہو گئے۔ یورپی-بحیرہ روم زلزلہ مرکز کے مطابق زلزلے کا مرکز زمین کی سطح سے 62 کلومیٹر گہرائی میں تھا۔ زلزلے سے متعدد اسکولوں اور ایک اسپتال کو نقصان پہنچا ،جب کہ کئی علاقوں میں بجلی کی فراہمی منقطع ہو گئی۔ متاثرہ علاقوں میں رات کھلے آسمان تلے گزارنے پر مجبور عوام کے لیے امدادی کارروائیاں شروع کر دی گئی ہیں اور طبی ٹیمیں روانہ کی جا رہی ہیں۔

سونامی الرٹ جاری، بعد میں واپس
زلزلے کے بعد منڈاناؤ کے ساحلی علاقوں میں سونامی کی وارننگ جاری کی گئی، جس کے باعث خطرناک لہروں کے پیشِ نظر تٹّی علاقوں کو خالی کرا لیا گیا۔ بعد ازاں صورتحال کے کنٹرول میں آنے پر وارننگ واپس لے لی گئی۔

داؤاؤ شہر میں افراتفریسب سے زیادہ متاثرہ علاقہ داؤاؤ سٹی رہا، جہاں کی آبادی 54 لاکھ سے زائد ہے۔ شہر میں اسکولوں اورسرکاری دفاتر کو خالی کرا لیا گیا اور عوام کو اونچے مقامات پر منتقل ہونے کی ہدایت دی گئی۔ مقامی حکام کے مطابق آفٹر شاکس  کی مزید امکان موجود ہے۔
واضح رہے کہ اس سے قبل فلپائن میں منگل 30 ستمبر کو زلزلہ آیا تھا۔ ریکٹر اسکیل پر زلزلے کی شدت 6.9 ریکارڈ کی گئی تھی۔ زلزلہ اتنا شدید تھا کہ اس سے پتھر اور کنکریٹ کی عمارتوں کو نقصان پہنچا تھا۔ ہلاکتوں کی تعداد 60 تک پہنچ گئی تھی، جب کہ زخمیوں کی تعداد سینکڑوں بتائی جا رہی ہے۔

زلزلے کے حوالے سے مقامی فائر آفیسر رے کینیٹ کا کہنا تھا کہ زلزلے کا مرکز ساحلی شہر بوگو سے تقریباً 17 کلومیٹر شمال مشرق میں تھا ،جس کی آبادی 90,000 تھی۔ عمارتوں کو نقصان پہنچا، اسفالٹ سڑکیں اکھڑ گئیں، اور شہر کی بجلی کی فراہمی میں بھی خلل پڑا۔ انہوں نے بتایا کہ جب زلزلہ آیا تو ہم اپنی بیرکوں میں تھے کہ اچانک زمین ہلنے لگی۔ کوئی وقت ضائع کیے بغیر ہم وہاں سے بھاگے۔

بھارت ایکسپریس اردو

Abu Danish Rehman

Recent Posts

یوگی کے گڑھ گورکھپور میں اکھلیش یادو کابڑا سیاسی شو، 20 کلومیٹر روڈ شو میں امڑی بھیڑ، بی جے پی کے صفائے کا دعویٰ

سماجوادی پارٹی کے سربراہ اکھلیش یادو بدھ کے روز اپنے پی ڈی اے رتھ کے…

2 hours ago

Social Justice Summit: سشما سوراج بھون میں سجے گا سماجی انصاف کا عظیم الشان پلیٹ فارم، وزیر اعظم مودی اختتامی اجلاس سے کریں گے خطاب

19 نومبر کو نئی دہلی میں منعقدہ دو روزہ محکمہ جاتی کانفرنس کے اختتامی اجلاس…

3 hours ago

PM Modi Meets Prince William and Kate: وزیر اعظم نریندر مودی کی پرنس ولیم اور شہزادی کیٹ سے ملاقات، ’ارتھ شاٹ پرائز‘ کی کوششوں کو سراہا

وزیر اعظم نے ماحولیاتی مسائل کے حل کے لیے نئی اختراعات اور ہندوستانی صلاحیتوں کو…

3 hours ago

Ukraine Crisis: کیا یوکرین جنگ ختم ہوگی؟ الاسکا میں ناکام مذاکرات کے بعد کل ٹرمپ اور پوتن کی اہم ملاقات

چین میں ٹرمپ، شی جن پنگ اور ولادیمیر پوتن کی پہلی سہ فریقی ملاقات، یوکرین…

4 hours ago