بین الاقوامی

Trump threatens US military strike in Nigeria: کیا شروع ہونے والی ہےایک اور جنگ ؟ ڈونالڈ ٹرمپ کا کہا — امریکی فوج کر سکتی ہے حملہ

ڈونالڈ ٹرمپ نے نائیجیریا میں عیسائیوں کے قتلِ عام کو روکنے کے لیے فوجی طاقت کے استعمال سے انکار نہیں کیا ہے۔ ادھر ابوجا (نائیجیریا) کی حکومت نے جہاں پہلے دہشت گردی کے خلاف امریکی کارروائی کا خیرمقدم کیا تھا، وہیں اب یہ بھی کہا ہے کہ وہ ’عیسائیوں کی نسل کشی‘ کے الزامات کو مسترد کرتا ہے۔امریکی صدر ڈونالڈ ٹرمپ نے اتوار کو کہا کہ امریکہ مغربی افریقی ملک نائیجیریا میں عیسائیوں کے مبینہ ٹارگٹ کلنگ کو روکنے کے لیے وہاں فوج بھیج سکتا ہے یا فضائی حملہ کر سکتا ہے۔ایئر فورس ون میں صحافیوں کے سوال پر کہ کیا وہ نائیجیریا میں امریکی فوجی کارروائی پر غور کر رہے ہیں، ٹرمپ نے جواب دیا —ممکن ہے۔ انہوں نے مزید کہا، ’’میں بہت سی چیزوں پر غور کرتا ہوں۔ نائیجیریا میں عیسائیوں کو بڑی تعداد میں مارا جا رہا ہے… وہ عیسائیوں کو قتل کر رہے ہیں اور ہم ایسا ہونے نہیں دیں گے۔‘‘

سوشل میڈیا  پر اپنی ایک پوسٹ کے بعد بیان

ڈونالڈ ٹرمپ کا یہ بیان ایک دن بعد آیا جب انہوں نے سوشل میڈیا پر ایک پوسٹ میں دھمکی دی تھی کہ اگر نائیجیریا ’عیسائیوں کے قتل‘ کو نہیں روکتا تو امریکہ کارروائی کرے گا۔ ابوجا کے حکام نے ٹرمپ کے بیانات کو فوراً مسترد کرتے ہوئے کہا کہ ملک میں تشدد مذہب کی بنیاد پر نہیں، بلکہ دہشت گردی اور جرائم کے خلاف لڑائی کا حصہ ہے۔

’کوئی نسل کشی نہیں ہو رہی ہے‘

نائیجیریا کی وزارتِ خارجہ کے ترجمان کِمِبی ایموموتیمی ایبی انف نے الجزیرہ سے گفتگو میں کہا کہ ہم اپنی موجودہ سیکیورٹی کی صورتِ حال پر فخر نہیں کرتے، مگر یہ کہنا کہ صرف عیسائیوں کو نشانہ بنایا جا رہا ہے، درست نہیں ہے۔ نائیجیریا میں کسی قسم کی عیسائیوں کی نسل کشی نہیں ہو رہی۔

ڈونالڈ ٹرمپ کی سخت وارننگ

ہفتے کو ٹرمپ نے اپنے پلیٹ فارم ٹروتھ سوشل پر نائیجیریا کو خبردار کرتے ہوئے کہا کہ امریکہ نائیجیریا کو دی جانے والی تمام امداد فوری طور پر روک دے گا، اور ممکن ہے کہ امریکی فوج وہاں جا کر ان اسلامی دہشت گردوں کا صفایا کر دے جو یہ خوفناک مظالم کر رہے ہیں۔

نائیجیریا خاص تشویش والے ممالک میں شامل

ٹرمپ نے مزید کہا کہ انہوں نے دفاعی محکمے (جسے انہوں نے Department of War کہا) کو ممکنہ کارروائی کے لیے تیار رہنے کی ہدایت دی ہے۔ان کے بقول، اگر ہم حملہ کریں گے تو وہ تیز، خطرناک اور شاندار ہوگا، بالکل ویسا ہی جیسے دہشت گرد ہمارے پیارے عیسائیوں پر حملہ کرتے ہیں۔

بھارت ایکسپریس اردو۔

Abul Kalam

Recent Posts

یوگی کے گڑھ گورکھپور میں اکھلیش یادو کابڑا سیاسی شو، 20 کلومیٹر روڈ شو میں امڑی بھیڑ، بی جے پی کے صفائے کا دعویٰ

سماجوادی پارٹی کے سربراہ اکھلیش یادو بدھ کے روز اپنے پی ڈی اے رتھ کے…

6 hours ago

Social Justice Summit: سشما سوراج بھون میں سجے گا سماجی انصاف کا عظیم الشان پلیٹ فارم، وزیر اعظم مودی اختتامی اجلاس سے کریں گے خطاب

19 نومبر کو نئی دہلی میں منعقدہ دو روزہ محکمہ جاتی کانفرنس کے اختتامی اجلاس…

8 hours ago

PM Modi Meets Prince William and Kate: وزیر اعظم نریندر مودی کی پرنس ولیم اور شہزادی کیٹ سے ملاقات، ’ارتھ شاٹ پرائز‘ کی کوششوں کو سراہا

وزیر اعظم نے ماحولیاتی مسائل کے حل کے لیے نئی اختراعات اور ہندوستانی صلاحیتوں کو…

8 hours ago

Ukraine Crisis: کیا یوکرین جنگ ختم ہوگی؟ الاسکا میں ناکام مذاکرات کے بعد کل ٹرمپ اور پوتن کی اہم ملاقات

چین میں ٹرمپ، شی جن پنگ اور ولادیمیر پوتن کی پہلی سہ فریقی ملاقات، یوکرین…

8 hours ago