ڈونالڈ ٹرمپ نے کردیا غزہ جنگ بندی کا اعلان، نیتن یاہو نے منظور کی تجویز، ایلن مسک نے اڑایا مذاق، جانئے پوری تفصیل

امریکی صدرڈونالڈ ٹرمپ نے غزہ میں بھی جنگ بندی کا اعلان کردیا ہے۔ ٹرمپ نے منگل کے روزکہا کہ اسرائیل نے غزہ میں 60 روزہ جنگ بندی کی شرائط پراتفاق کیا ہے۔ اب اس نے حماس کو خبردارکیا ہے کہ وہ اس تجویزکو قبول کرے، ورنہ حالات مزید خراب ہوں گے۔ امریکی تاجرایلن مسک نے ڈونالڈ ٹرمپ کے اس اعلان پر سوال اٹھایا ہے۔ ان کا کہنا تھا، “کریڈٹ کہاں ہے، کریڈٹ ڈیو (واجب الادا) ہے‘ صدر ٹرمپ نے دنیا کے پیچیدہ مسائل کو کامیابی سے حل کیا ہے۔”

امریکی صدرڈونالڈ ٹرمپ نے غزہ میں تقریباً ڈھائی سال سے جاری جنگ میں جنگ بندی کا اعلان کردیا ہے۔ غزہ جنگ بندی کی یہ تجویز امریکہ کی قیادت میں قطراورمصر کے تعاون سے تیارکی گئی تھی، جسے اسرائیل نے قبول کرلیا ہے۔ ایلن مسک نے ٹوئٹ کے ذریعہ ایلن مسک کا مذاق اڑایا ہے۔

ایلن مسک کے اس ٹوئٹ کو ڈونالڈ ٹرمپ کا مذاق اڑانے کے طور پر دیکھا جا رہا ہے۔ اس سے پہلے ٹرمپ کئی بار کہہ چکے ہیں کہ اسرائیل-ایران، کانگو روانڈا اور ہندوستان-پاکستان سمیت کئی جنگ بندی انہوں نے کرائی ہے، لیکن کوئی انہیں نوبل نہیں دے گا۔

آئندہ ہفتے ہوگی ٹرمپ-نیتن یاہو کی ملاقات

ڈونالڈ ٹرمپ نے یہ اعلان ایسے وقت میں کیا ہے، جب وہ آئندہ پیر کے روز وہاہٹ ہاؤس میں اسرائیلی وزیراعظم بنجامن نیتن یاہو سے بات چیت کرنے کی تیاری کررہے ہیں۔ امریکی صدر نے اسرائیل اور حماس دونوں پر جنگ بندی اوریرغمالیوں کی رہائی سے متعلق معاہدے کے لئے دباؤ بڑھایا ہے تاکہ غزہ میں جنگ ختم ہوسکے۔