China
بھارت کے پڑوسی ملک چین میں ایک بار پھر کورونا وائرس کے کیسز میں اضافہ دیکھنے میں آ رہا ہے۔ میڈیا نے بدھ کو رپورٹ دی کہ زیروکوویڈ پالیسی کی پابندیوں کو ختم کرنے کے بعد کورونا وائرس کے معاملات میں اچانک اضافے کا سامنا کرتے ہوئےچین نے وائرس کی میوٹیشن کی نگرانی کے لیے اسپتالوں کا ایک نیٹ ورک قائم کیا ہے۔ ساؤتھ چائنا مارننگ پوسٹ کی رپورٹ کے مطابق چائنیز سنٹر فار ڈیزیز کنٹرول اینڈ پریوینشن (چائنا سی ڈی سی) نے ہر شہر میں ایک اسپتال اور ہر صوبے میں تین شہروں پر مشتمل ڈیٹا اکٹھا کرنے کا نیٹ ورک قائم کیا ہے۔ رپورٹ میں بتایا گیا ہے کہ ہر اسپتال آؤٹ پیشنٹ اور ایمرجنسی روم میں 15 مریضوں، 10 شدید بیماریوں میں مبتلا مریضوں اور مرنے والے تمام مریضوں کے نمونے جمع کرے گا۔
چائنا سی ڈی سی کے مطابق گزشتہ تین مہینوں میں 130 افراد میں اومیکرون کے ذیلی قسم کی تصدیق ہوئی ہے۔تاہم ان میں سے کسی کی حالت تشویشناک نہیں تھی۔ ان میں بی کیو 1 اور ایکس بی بی اسٹرین والے بہت سے مریض شامل ہیں ۔جنہوں نے امریکہ، برطانیہ اور سنگاپور سمیت دیگر ممالک کا سفر کیا تھا۔
صحت عامہ کے ماہرین نے خبردار کیا ہے کہ چین میں COVID-19 انفیکشن کی لہریں جلد ہی وائرس کی نئی شکلوں کو جنم دے سکتی ہیں۔ ملک میں کووڈ کی جانچ دسمبر کے مہینے سے روک دی گئی ہے۔جس کے بعد بڑی تعداد میں لوگ اپنے کاموں اور عوامی مقامات پر جا رہے ہیں۔
۔بھارت ایکسپریس
طالبان نے کئی سخت قوانین نافذ کیے ہیں اور سو سے زائد ایسے احکام منظور…
اداکارہ نینتارہ نے سوشل میڈیا پر لکھے گئے خط میں انکشاف کیا ہے کہ اداکار…
بہوجن وکاس اگھاڑی کے ایم ایل اے کشتیج ٹھاکر نے ونود تاوڑے پر لوگوں میں…
نارائن رانے کا یہ بیان ایسے وقت میں آیا ہے، جب مہاراشٹر حکومت الیکشن کے…
تفتیش کے دوران گل نے یہ بھی انکشاف کیا کہ اس نے بابا صدیقی کے…
وزیر اعظم نریندر مودی نے اپنے غیر ملکی دوروں کا استعمال احتیاط سے منتخب تحائف…