China expressed concern over Gaza City: غزہ شہر پر قبضہ سے متعلق اسرائیلی منصوبے پر چین نے کیا تشویش کا اظہار

بیجنگ: چین کی وزارت خارجہ کے ترجمان کوو چیاخن نے 8 اگست کو کہا کہ چین کو اسرائیلی فوج کے ذریعہ غزہ شہر کو اپنے قبضے میں لینے کے منصوبے پر گہری تشویش ہے اور اسرائیل پر جلد از جلد خطرناک کارروائیاں بند کرنے پر زور دیتا ہے۔

’’فلسطینی سرزمین کا اٹوٹ انگ ہے غزہ‘‘

ترجمان نے کہا کہ غزہ فلسطینی عوام کا ہے اور فلسطینی سرزمین کا اٹوٹ انگ ہے۔ غزہ میں انسانی بحران کو کم کرنے اور یرغمالیوں کی رہائی مکمل کرنے کا صحیح طریقہ جلد از جلد جنگ بندی کرنا ہے۔ غزہ کے تنازع کے حل کی کلید بھی جنگ بندی ہے۔ ایسا کرنے سے ہی مڈبھیڑ کے خاتمے کی راہ ہموار ہوگی اور علاقائی سلامتی کی گارنٹی فراہم کی جا سکے گی۔

ترجمان نے کہا کہ چینعالمی برادری کے ساتھ غزہ میں جنگ بندی کے حصول کے لیے، انسانی بحران کو کم کرنے اور دو ملکی حل کے نفاذ کے لیے مساوی کوششیں کرنے کے لیے تیار ہے، تاکہ مسئلہ فلسطین کا مکمل، منصفانہ اور دیرپا حل تلاش کیا جا سکے۔

بھارت ایکسپریس۔