Between mediation talks, Netanyahu said We are going to change the Middle East: فلسطین-اسرائیل کے بیچ جنگ بندی کیلئے قطر متحرک،نتن یاہو نے مشرق وسطیٰ کا نقشہ بدلنے کا کیا اعلان

فلسطین –اسرائیل جنگ  میں خون خرابے کا دور جاری ہے البتہ اب عالمی برادری میں جنگ کو امن میں بدلنے کیلئے بات چیت کی کوشش  شروع ہوگئی ہےاور اس میں قطر پہل کرتا ہوا نظرآرہا ہے۔قطر کی وزارت خارجہ نے اس کی  تصدیق بھی کردی ہے کہ وہ حماس اور اسرائیلی حکام کے درمیان ثالثی کی کوشش کر رہا ہے۔قطر کے ایک ترجمان نے کہا کہ مذاکرات – بشمول ممکنہ قیدیوں کے تبادلے – ہفتے کی رات سے جاری ہیں اور “مثبت انداز میں آگے بڑھ رہے ہیں۔

قطر کی وزارت خارجہ کے ترجمان ماجد الانصاری نے کہا کہ ہماری ترجیحات میں خونریزی کا خاتمہ، قیدیوں کی رہائی اور اس بات کو یقینی بنانا ہے کہ تنازعہ کسی دوسرے علاقائی خطے میں  نہ پھیلے۔غزہ میں یرغمال بنائے گئے اسرائیلیوں کی تعداد ابھی تک واضح نہیں ہے، لیکن بڑے پیمانے پر یہ خیال کیا جاتا ہے کہ حماس نے خواتین، بچوں، بوڑھوں اور فوجیوں کو قید کررکھا ہے۔حماس کے ترجمان حسام بدران کے مطابق، حماس نے کہا ہے کہ وہ دشمنی کے دوران قیدیوں کے تبادلے پر بات چیت کے لیے تیار نہیں ہے۔

ذرائع  کے مطابق  قطر کے ثالثی حماس کے حکام کے ساتھ رابطے میں ہیں تاکہ عسکریت پسند گروپ کی طرف سے غزہ میں قید اسرائیلی خواتین اور بچوں کی رہائی کے لیے بات چیت کی کوشش کی جا سکے۔بات چیت کے بارے میں بریفنگ دینے والے ذرائع نے بتایا کہ قطریوں نے اسرائیلیوں کو اسرائیل میں زیر حراست 36 فلسطینی خواتین اور بچوں کے تبادلے کی تجویز پیش کی۔ذرائع نے بتایا کہ یہ بات چیت امریکہ کے ساتھ مل کر کی جا رہی ہے۔حالانکہ اسرائیل اور حماس نے ان رپورٹوں پر براہ راست کوئی تبصرہ نہیں کیا ہے۔

وہیں دوسری طرف اسرائیلی وزیراعظم بنجامن نتن یاہو نے  ایس آئی آر سی سربراہان کے اجلاس سے خطاب کرتے ہوئے کہا کہ مشرقی وسطیٰ کی تصویر بدلنے جارہے ہیں۔ انہوں نے کہا کہ “ہم ایک مہم کے درمیان ہیں۔ میں جانتا ہوں کہ آپ کو ایک مشکل اور خوفناک آزمائش سے گزرنا پڑا ہے۔ حماس کو جو تجربہ ہوگا وہ مشکل اور خوفناک ہوگا،ہم پہلے ہی مہم میں ہیں اور ہم ابھی شروعات کر رہے ہیں۔ ان مشکل دنوں میں مضبوط ریاست آپ سب کی مدد کرنے میں کوئی کسر نہیں چھوڑے گی۔ میں آپ سے کہتا ہوں کہ آپ ثابت قدم رہیں کیونکہ ہم مشرق وسطیٰ کو بدلنے والے ہیں۔ میں آپ کو اور باشندوں کو گلے لگاتا ہوں۔ ہم سب آپ کے ساتھ ہیں اور ہم رہیں گے۔ انہیں زبردست شکست دیں گے۔

بھارت ایکسپریس۔