Bashar Al Assad Plane: بشارالاسدکا طیارہ پراسرارطورپرغائب! شام سے بھاگنے کےدوران موت کا دعویٰ

Bashar Al Assad Plane: شام میں حالیہ واقعات میں باغی گروپ دارالحکومت دمشق تک پہنچ گئے ہیں، جس کے بعد صدربشارالاسد کے ملک چھوڑنے کی خبریں سامنے آئی ہیں۔ تاہم ان کے مقام اورحالت کے بارے میں ابھی تک کوئی واضح معلومات نہیں ہیں۔ سوشل میڈیا پریہ دعویٰ بھی کیا گیا کہ بشارالاسد جس طیارہ سے دمشق روانہ ہوا وہ گرکرتباہ ہوا تھا یا اسے نشانہ بنا کرمارگرایا گیا تھا۔ ان افواہوں کی ابھی تک کوئی سرکاری تصدیق نہیں ہوئی ہے۔

دی وارژون کی رپورٹ کے مطابق، شام میں 12 دنوں سے جاری بغاوت نے صدربشارالاسد کودارالحکومت دمشق چھوڑنے پرمجبورکردیا ہے۔ بشارالاسد شامی فضائیہ کے ایک آئی ایل-76 طیارے میں فرارہوگئے، تاہم اس بات کی تصدیق نہیں ہوسکی کہ طیارہ بحفاظت پہنچ گیا یا نہیں۔ اس حوالے سے دعویٰ کیا جا رہا ہے کہ طیارہ یا توگرکرتباہ ہوا ہے یا پھراسے جان بوجھ کرمارگرایا گیا ہے۔ کچھ لوگوں نے طیارہ میں تکنیکی خرابی کا امکان بھی ظاہرکیا ہے۔

روس جا رہا تھا طیارہ!

ایسا کہا جا رہا ہے کہ بشارالاسد روس جانے کے لئے نکلے تھے، لیکن ان کے طیارہ کے ساتھ مبینہ حادثہ ہوگیا۔ مصر کے صحافی خالد محمود کے مطابق، آئی ایل-76 طیارہ کی اونچائی اچانک گرنے سے اشارہ ملتا ہے کہ اسے ہدف بنایا گیا ہوگا۔ طیارہ کے رڈار سے غائب ہونے کے بعد لبنان کے پاس گرنے کی خبریں ہیں۔ حالانکہ ان دعووں کی تصدیق نہیں ہوئی ہے۔

سوشل میڈیا پرکئے جا رہے ہیں الگ الگ دعوے

بشارالاسد کےلاپتہ ہونے کے بعد الگ الگ دعوے کئے جا رہے ہیں۔ سوشل میڈیا پرکہا جا رہا ہے کہ ان کے طیارہ کو مارگرایا گیا، کیونکہ وہ ملک سے بھاگنے کی کوشش کررہے تھے۔ قیاس آرائیاں تب مزید تیزہوگئیں، جب اوپن سورس فلائٹ ٹریکرس نے انکشاف کیا کہ دمشق سے نکلنے والا آخری طیارہ الیوشن-76 طیارہ تھا، جس کا پروازنمبرشامی ایئر9218 تھا، جس کے بارے میں مانا جا رہا ہے کہ بشارالاسد اسی طیارہ سے جا رہے تھے۔ کہا جا رہا ہے کہ باغی جنگجوؤں نے دمشق کے ہوائی اڈے پرقبضہ کرنے سے کچھ دیرقبل ایک طیارہ اڑان بھرا تھا۔ پروازکے اعداد وشمارکے مطابق، طیارے نے شمال کا رخ کرنے سے پہلے مشرق کی طرف اڑان بھری۔ تاہم، ہومزکے اوپرچکرلگانے کے فوراً بعد اس کا سگنل غائب ہوگیا۔

شام کی خانہ جنگی میں نیا موڑ
شام کی خانہ جنگی نے ایک نیا رخ اختیارکرلیا ہے جب باغی افواج نے دمشق پرقبضہ کرلیا ہے اوربشارالاسد کواقتدارسے بے دخل کردیا ہے۔ یہ 13 سال کی حکمرانی اورکشمکش کا خاتمہ ہے، جس کے نتیجے میں بھاری جانی نقصان ہوا۔ شامی فوج کے کچھ حصے حما، حمص اور درعا میں اب بھی باغیوں سے لڑ رہے ہیں۔