بین الاقوامی

Khaleda Zia’s condition critical: بنگلہ دیش کی سابق وزیر اعظم خالدہ ضیا کی حالت تشویشناک، ملک بھر میں صحتیابی کے لیے مانگی جا رہی ہیں دعائیں

نئی دہلی: بنگلہ دیش کی سابق وزیر اعظم بیگم خالدہ ضیا گزشتہ چند دنوں سے اسپتال میں زیرِ علاج ہیں اور ان کی صحت کے لیے پورے ملک میں دعاؤں کا سلسلہ جاری ہے۔ اسپتال میں ان کی عیادت کے بعد واپس لوٹے چیف ایڈوائزر محمد یونس کے قانونی مشیر آصف نذرل نے بتایا کہ ان کی حالت بالکل بھی ٹھیک نہیں ہے۔

بنگلہ دیشی میڈیا کے مطابق محمد یونس نے جمعہ کی شب اپنے قانونی مشیر آصف نذرل اور خصوصی معاون منیر حیدر کو بنگلہ دیش نیشنلسٹ پارٹی (بی این پی) کی چیئرپرسن خالدہ ضیا کی طبی صورتحال جاننے کے لیے ایور کیئر اسپتال بھیجا تھا۔ بی این پی میڈیا سیل کے رکن سائرالکبیر خان نے بتایا کہ دونوں نے اسپتال کے ڈاکٹروں سے تفصیل سے بات چیت کی اور ساتھ ہی پارٹی کے سیکرٹری جنرل مرزا فخرالاسلام عالمگیر سے بھی رابطہ کیا۔

رات ایک بجے آصف نذرل نے دی جانکاری

رات تقریباً ایک بجے فیس بک پوسٹ میں آصف نذرل نے لکھا، “میں ایور کیئر اسپتال سے واپس آیا ہوں، بیگم خالدہ ضیا کی جسمانی حالت بالکل ٹھیک نہیں ہے۔ براہِ کرم سب لوگ ان کے لیے دعا کریں۔”

خالدہ کے دل اور پھیپھڑوں میں ہے انفیکشن

23 نومبر کی رات میڈیکل بورڈ کے مشورے پر انہیں اسپتال میں داخل کیا گیا تھا۔ ابتدائی رپورٹس میں بتایا گیا کہ ان کے دل اور پھیپھڑوں میں انفیکشن ہے اور وہ نمونیا کا شکار ہیں۔ اس وقت وہ کورونری کیئر یونٹ (CCU) میں مقامی اور غیر ملکی ماہر ڈاکٹروں کی سخت نگرانی میں ہیں۔ بی این پی کے جنرل سیکرٹری مرزا فخرالاسلام عالمگیر نے میڈیا سے گفتگو میں کہا تھا کہ پارٹی سربراہ کی صحت کی حالت انتہائی تشویشناک ہے اور ڈاکٹر مسلسل ان پر نظر رکھے ہوئے ہیں۔

خالدہ کو مائٹرل اسٹینوسس نامی بیماری لاحق

خالدہ ضیا کے لیے تشکیل دیے گئے میڈیکل بورڈ کے رکن پروفیسر ڈاکٹر ایف ایم صدیقی کا کہنا ہے کہ انہیں پہلے سے دل سے متعلق مسائل تھے، جس میں مستقل پیس میکر اور اسٹینٹ پروسیجر شامل ہیں۔ انہیں مائٹرل اسٹینوسس نامی بیماری بھی لاحق ہے۔ سینے کی انفیکشن کی وجہ سے ان کے دل اور پھیپھڑوں دونوں پر ایک ساتھ اثر پڑا، جس کے باعث انہیں سانس لینے میں شدید دشواری کا سامنا ہے۔

خالدہ کو اتوار کی رات 8 بجے اسپتال لایا گیا

میڈیا رپورٹس کے مطابق انہیں اتوار کی رات تقریباً 8 بجے ایور کیئر اسپتال لایا گیا تھا، جہاں وہ اسپتال کے سینئر اسپیشلسٹ پروفیسر ڈاکٹر شہاب الدین تعلقدار کی نگرانی میں ہیں۔ اسپتال پہنچتے ہی ان کے متعدد ٹیسٹ کیے گئے۔

80 سالہ خالدہ مخلتف بیماریوں میں ہیں مبتلا

80 سالہ خالدہ ضیا طویل عرصے سے گٹھیا، شوگر، گردوں اور پھیپھڑوں کی بیماریوں میں مبتلا ہیں۔ اسی سال 7 جنوری کو وہ علاج کے لیے لندن گئی تھیں اور 117 دن قیام کے بعد 6 مئی کو وطن واپس آئی تھیں۔

بھارت ایکسپریس۔

Md Hammad

Recent Posts

Rani Lakshmibai Birth Anniversary: رانی لکشمی بائی کی یوم پیدائش پر وزیر اعظم مودی اور امت شاہ نے پیش کیا خراج عقیدت

وزیر اعظم نے انہیں ہندوستان کی بہادر بیٹی قرار دیا، امت شاہ نے کہا کہ…

15 minutes ago

Naturopathy Day: نیچروپیتھی ڈے کے موقع پر ملک بھر میں نشہ مکت بھارت مہم کا آغاز، 5 ہزار آروگیہ کیمپ لگانے کا اعلان

نیچروپیتھی ڈے کے موقع پر INO-سوریا فاؤنڈیشن نے نشہ مکت بھارت قومی مہم کا آغاز…

54 minutes ago

Adani Energy Solutions Bihar Project: اڈانی انرجی سولیوشنز نے بہار میں ٹرانسمیشن پروجیکٹ حاصل کیا، 2400 میگاواٹ بجلی کی ترسیل کا ہوگا انتظام

پیرپینتی میں اڈانی پاور کے زیر تعمیر الٹرا سپر کریٹیکل تھرمل پاور پلانٹ سے بجلی…

54 minutes ago

Impact of ‘Akwan’ in West Bengal: مغربی بنگال میں سمندری طوفان ’اکوان‘ کا اثر، کولکاتا سمیت کئی اضلاع میں بارش

تازہ معلومات کے مطابق، ’اکوان‘ 12 کلومیٹر فی گھنٹہ کی رفتار سے شمال کی جانب…

1 hour ago

IND vs NZ 1st Test: ویلنگٹن ٹیسٹ میں امپائرنگ پر تنازع، گلین فلپس کے فیصلے پر کپتان شبھمن گل ناراض

پہلے ٹیسٹ کے ابتدائی دن گلین فلپس کے خلاف ڈی آر ایس فیصلے پر تنازع…

1 hour ago