Earthquake in Cuba:کیوبا میں محسوس کئے گئے زلزلہ کے تیز جھٹکے، ریکٹر اسکیل پر 6.8 درج کی گئی شدت، کئی عمارتیں ہوئیں زمیں دوز

نئی دہلی: مشرقی کیوبا میں اتوار کی رات  زلزلے کے شدید جھٹکے محسوس کیے گئے۔ زلزلے کی شدت 6.8 تھی۔ زلزلے کے جھٹکے اتنے شدید تھے کہ سینٹیاگو ڈی کیوبا اور آس پاس کے دیہی علاقوں کی عمارتیں  زمیں دوز ہوگئیں ۔ واقعے پر کیوبا کے صدر میگوئل ڈیاز کینیل نے ٹوئٹر پر کہا کہ لینڈ سلائیڈنگ کے سبب زلزلے کے جھٹکے محسوس کئے گئے ۔ گھروں اور بجلی کی لائنوں کو نقصان پہنچا ہے۔ ہم نے نقصان کا تخمینہ لگانا شروع کر دیا ہے۔ تاہم ہمارا پہلا ہدف لوگوں کی جان بچانا ہے۔ ادھر روئٹرز نے مقامی باشندوں کے حوالے سے بتایا کہ انہوں نے اپنی زندگی میں اتنا خوفناک زلزلہ کبھی نہیں دیکھا۔ ان کا کہنا تھا کہ عمارتیں گر گئیں اور گھر میں موجود الماریوں کے ساتھ ساتھ برتن، شیشے اور گلدان بھی بکھر گئے۔

سینٹیاگو کی رہائشی گریسیلڈا فرنانڈیز نے بتایا کہ زلزلے کی وجہ سے علاقے میں بہت سے مکانات اور عمارتوں کو بھاری نقصان پہنچنے کا خدشہ ہے کیونکہ یہاں موجود تمام عمارتیں پرانی ہیں۔ اس واقعے سے متعلق کئی تصاویر سوشل میڈیا پر بھی وائرل ہو رہی ہیں، جن میں کئی گھروں کی چھتیں اور کھڑکیاں ٹوٹی ہوئی دکھائی دے رہی ہیں۔

کیوبا کے حکام نے خبردار کیا۔

یو ایس جی ایس نے بتایا کہ زلزلے کی شدت 6.8 تھی جس کا مرکز زمین کے اندر 14 کلومیٹر اندر تھا۔ امریکی ایجنسی کے مطابق کیوبا میں زلزلے سے قبل قریبی علاقے میں 5.9 شدت کے زلزلے کے جھٹکے محسوس کیے گئے۔ کیوبا کے حکام نے مقامی لوگوں کو خبردار کیا کہ وہ ہوشیار رہیں کیونکہ مزید جھٹکے کا امکان ہے۔

زلزلے کے دوران کیا کرنا چاہیے؟

زلزلے کے دوران، سب سے پہلے ہمیں اپنی حفاظت کے لیے گھر میں لکڑی کی میز یا بستر کے نیچے چھپنا چاہیے۔ دوسری صورت میں، اگر کوئی چیز گر جائے تو نقصان ہوسکتا ہے. اس کے علاوہ وقت پر خالی جگہ کی طرف بڑھنا چاہیے۔ کسی عمارت یا درخت کے قریب نہیں رکنا چاہیے ورنہ زلزلے کی وجہ سے چیز گرنے کا خدشہ ہے جو جان کو خطرہ بن سکتا ہے۔