Greece boat accident: یونان میں کشتی حادثے میں 300 پاکستانیوں کے جاں بحق ہونے کا خدشہ

Greece boat accident: اے ایف پی کی رپورٹ کے مطابق، یونان کی کشتی کے سانحے(حادثہ) میں سینکڑوں تارکین وطن کے ڈوبنے کے خدشے کے بعد، پاکستانی حکام نے اتوار کو 10 مبینہ انسانی سمگلروں کو گرفتار کیا۔قابل ذکر بات ہے کہ  اسی وقت پاکستان کے وزیر اعظم کے دفتر نے ایک بیان جاری کیا ہے جس میں پیر 19 جون کو یوم سوگ کے طور پر منانے کا اعلان کیا گیا ہے۔ اس کے ساتھ ہی وزیر اعظم شہباز شریف نے انسانی اسمگلنگ میں ملوث ایجنٹوں کے خلاف فوری کارروائی کا حکم دیتے ہوئے کہا ہے کہ  انہیں سخت سزا دی جائے گی۔

قابل َذکر بات  یہ ہے کہ  کشتی  کی گنجائش صرف 350 افراد کو لے جانے کی بتائی جارہی ہے

مقامی میڈیا نے بتایا کہ گزشتہ روز یونان کے جزیرہ نما پیلوپونیس کے قریب ایک تباہ شدہ ٹرالر کے ڈوبنے سے کم از کم 300 پاکستانی شہری ہلاک ہو گئے۔ انٹرنیشنل آرگنائزیشن فار مائیگریشن اور اقوام متحدہ کی پناہ گزین ایجنسی کے ایک مشترکہ بیان کے مطابق جہاز میں ایک اندازے کے مطابق 400 سے 750 افراد سوار ہیں۔

جیو نیوز نے پاکستانیوں کے حوالے سے بتایا کہ یونانی کوسٹ گارڈ نے کشتی ڈوبنے کے بعد لوگوں کو مرنے کے لیے چھوڑ دیا تھا۔ جائے وقوعہ پر کوئی ریسکیو آپریشن دستیاب نہیں تھا۔ اس کشتی پر 400 پاکستانی، 200 مصری اور 150 شامی سوار تھے۔

حکام نے بتایا کہ نو افراد کو پاکستان کے زیر انتظام کشمیر میں حراست میں لیا گیا ہے، جو زیادہ تر متاثرین کا گھر ہے۔ جب کہ ایک کو گجرات سے حراست میں لیا گیا۔ پاکستان کے زیر انتظام کشمیر میں ایک مقامی اہلکار چوہدری شوکت نے اسمگلروں کو پکڑنے کے پورے عمل میں سہولت فراہم کرنے میں مدد کی۔

قابل ذکر بات یہ ہے کہ ہرسال ہزاروں پاکستانی نوجوان  بہتر زندگی کی تلاش میں مشکل راستوں سے یورپ میں داخلے کی خطر ناک  کوشش  کرتے ہیں ۔