School Shooting:امریکی اسکول میں فائرنگ، 3 طلبہ سمیت 6 ہلاک،قاتل ٹرانس جینڈر تھی

School Shooting: آڈرے ہیل نامی 28 سالہ خاتون نے امریکی ریاست ٹینیسی کے شہر نیش وِل کے ایک کرسچن سکول میں فائرنگ کر دی۔ قابل ذکر بات یہ ہے کہ گولی لگنے سے 6 لوگوں کی موت ہو گئی۔ جاں بحق ہونے والوں میں تین طالب علم بھی شامل ہیں۔ گولی لگنے سے یہ سبھی شدید زخمی ہوگئے تھے۔ انہیں  منرو کیرل جونیئر چلڈرن اسپتال لے جایا گیا، جہاں ڈاکٹروں نے انہیں  مردہ قرار دیا۔

حکام اور میڈیا رپورٹس کے مطابق اس واقعے میں تین بچوں سمیت 6 کی موت ہو گئی ہے۔ جس اسکول میں یہ واقعہ پیش آیا وہ ایلیمنٹری اسکول تھا۔ اس میں زیر تعلیم تمام بچوں کی عمریں 12 سال سے کم تھیں۔

حکام نے بتایا کہ پہلی ہنگامی کال صبح 10 بجے کے قریب موصول ہوئی

حملے کے بعد پولیس فوری طور پر موقع پر پہنچ گئی اور 15 منٹ کے اندر حملہ آور کو ہلاک کر دیا۔ اطلاعات کے مطابق جس اسکول پر حملہ کیا گیا اس کا نام دی دی کووننٹ اسکول بتایا جا رہا ہے۔ واقعہ کے بعد سے بڑی تعداد میں پولیس فورس وہاں تعینات ہے۔ نیش ول پولیس کے ترجمان ڈان ایرون نے پریس کانفرنس میں بتایا کہ مشتبہ  حملہ آور کے پاس دو رائفلیں اور ایک ہینڈ گن تھی۔

افسر نے کہا کہ اس واقعہ کے پیچھے اس کا مقصد کیا تھا اس کی تحقیقات کی جا رہی ہیں۔

امریکہ میں فائرنگ کے واقعات اکثر ہوتے رہتے ہیں۔ اتوار کو ریاست کیلیفورنیا میں واقع ایک گرودوارے میں دو افراد کے بیچ  گولی باری کے واقعات رونما ہوئے تھے۔ انہوں نے کہا کہ ایک شخص نے دوسرے شخص کے دوست کو گولی مار دی تھی۔ اس کے بعد لڑائی میں شامل دوسرے شخص نے اپنے دوست کو گولی مارنے والے شخص کو گولی مار دی تھی  اور فرار ہوگیا تھا۔