ارمیلا ماتونڈکرسے منسلک ایک ذرائع نے جانکاری دیتے ہوئے بتایا ہے کہ اداکارہ نے اپنے 10 سال چھوٹے شوہر محسن اخترمیرسے طلاق لینے کے لئے ممبئی کی ایک عدالت میں عرضی داخل کی ہے۔ ارمیلا ماتونڈکر اپنے کام پرتوجہ مرکوزکرنا چاہتی ہیں۔ دوسری جانب، عدالت سے منسلک ایک ذرائع سے پتہ چلا ہے کہ ارمیلا ماتونڈکرنے بہت سوچنے اورسمجھنے کے بعد شوہرمحسن سے الگ ہونے کا فیصلہ لیا ہے۔ حالانکہ دونوں کے طلاق کے پیچھے کی اصلی وجہ کیا ہے، اس کا انکشاف ابھی تک نہیں ہو پایا ہے۔ تاہم کہا جا رہا ہے کہ ارمیلا ماتونڈکراورمحسن اخترمیرکا طلاق ان کی آپسی رضا مندی سے نہیں ہورہا ہے۔
ارمیلا اور محسن کی لواسٹوری ہے کافی دلچسپ
محسن اخترممبئی میں اپنے ماڈلنگ کیریئر کے مشکل دورسے گزررہے تھے، اسی دوران ان کی ملاقات پہلی بار ارمیلا ماتونڈکرسے ہوئی تھی۔ سال 2014 میں منیش ملہوترا کی بھتیجی ردھی ملہوترا کی شادی میں ارمیلا اور محسن کی پہلی ملاقات ہوئی تھی۔ محسن کی طرف سے یہ پہلی نظرکا پیارتھا۔ پھروہ ایک دوسرے سے ملنے لگے اوردھیرے دھیرے اچھے دوست بن گئے۔
ارمیلا پرپوری طرح فدا محسن اخترنے ان سے شادی کرنے ارادہ کرلیا تھا۔ وہیں دوسری طرف ان کی دوستی بھی دھیرے دھیرے پیارمیں بدلنے لگی تھی۔ آخرکارمحسن اخترنے ہی سب سے پہلے ارمیلا ماتونڈکرکوپرپوزکیا تھا، لیکن وہ اسے قبول کرنے میں تھوڑی جھجھک رہی تھیں، لیکن بزنس مین نے ہارنہیں مانی۔ وہ فلمی اندازمیں بھی ارمیلا ماتونڈکرکومناتے رہے۔
سال 2016 میں کی تھی شادی
واضح رہے کہ ارمیلا ماتونڈکرنے 4 فروری، 2016 میں محسن اخترمیرسے شادی کی تھی۔ وہ اداکارہ سے 10 سال چھوٹے ہیں۔ میڈیا رپورٹس کے مطابق، دونوں کی شادی ایک کامن فرینڈ کے ذریعہ ہوئی تھی۔ یہ کامن فرینڈ کوئی اورنہیں بلکہ مشہور فیشن ڈیزائنرمنیش ملہوترا ہیں۔ بتایا جاتا ہے کہ ڈیزائنرنے ہی ارمیلا ماتونڈکراورمحسن اخترکوملوایا تھا۔ یہیں سے دونوں کی دوستی ہوئی اورانہوں نے شادی کرنے کا فیصلہ لیا۔ 2016 میں ارمیلا ماتونڈکراورمحسن شادی کے بندھن میں بندھ گئے تھے۔ دونوں کی عمرمیں 10 سال کا فرق ہے۔ اس کے باوجود اس جوڑے نے رشتے کو مضبوط بنائے رکھا۔ تاہم اب ان کے طلاق کی خبروں نے بہت سے لوگوں کو حیران کر دیا ہے۔
محسن اخترمیراصل میں کشمیرسے آئے بزنس مین اورماڈل ہیں۔ 21 سال کی عمرمیں وہ کشمیرسے ممبئی آئے تھے۔ ان کا خواب بالی ووڈ میں کچھ کرنے کا تھا۔ 2009 میں آئی فلم ’ایٹس اے مینس ورلڈ سے اداکاری میں انہوں نے اپنا ڈیبیوکیا تھا۔ اس کے بعد انہیں ’لک بائے چانس‘، ’ممبئی مست قلندر‘ اور’بی اے پاس‘ جیسی فلموں میں دیکھا گیا تھا۔ بعد میں انہوں نے اداکاری چھوڑکربزنس کی دنیا میں ہی رہنے کا فیصلہ کیا تھا۔