Shahrukh khan creates buzz before 60th birthday: شاہ رخ خان کے مداحوں کے لیے ’ڈبل سرپرائز‘، ایس آر کے نے بتایا ’کنگ‘ کا خفیہ کوڈ؛ شیئر کی ڈیٹنگ ٹپس

شاہ رخ خان اپنی ساٹھویں سالگرہ علی باغ میں منانے جا رہے ہیں۔ اس خاص موقع پر ان کے مداحوں کے لیے بڑی خوشخبری ہے۔ اپنے برتھ ڈے سے پہلے شاہ رخ نے اپنے فینز کے ساتھ ایک دلچسپ سیشن رکھا جس میں انہوں نے اپنی آنے والی فلم ‘کنگ’ کے حوالے سے کئی سوالوں کے جوابات دیے۔ اس سیشن میں شاہ رخ نے اپنے مخصوص مزاحیہ انداز میں مداحوں سے بات کی۔

’اب سب کُھلّا چھوڑ دو‘

ایک فین نے پوچھا، ’’پٹھان میں آپ نے کہا تھا کرسی کی پیٹی باندھ لو، جوان میں کہا بینڈیج باندھ لو، اب ‘کنگ’ میں کیا کرنا ہے؟‘‘اس پر شاہ رخ نے ہنستے ہوئے جواب دیا، ’’اب سب کُھلّا چھوڑ دو۔‘‘

سہانا خان بھی نظر آئیں گی

فلم ‘کنگ’ کی ہدایت کاری سدھارتھ آنند کر رہے ہیں اور اس میں شاہ رخ کے ساتھ ان کی بیٹی سہانا خان بھی نظر آئیں گی۔ یہ پہلا موقع ہوگا جب باپ بیٹی ایک ساتھ اسکرین پر دکھائی دیں گے۔ فلم میں ابھیشیک بچن، دیپیکا پادوکون، ارشد وارثی، راگھو جوئیل، رانی مکھرجی، انل کپور اور جیکی شروف جیسے نامور فنکار بھی شامل ہیں۔

مداحوں کے لیے یہ ایک بڑا سرپرائز ہونے والا ہے

شاہ رخ کے مداحوں کے لیے یہ ایک بڑا سرپرائز ہونے والا ہے کیونکہ ان کی فلم ‘کنگ’ کا پہلا لک اب تک جاری نہیں ہوا ہے، لیکن ممکن ہے کہ شاہ رخ کے برتھ ڈے پر اس فلم کا فسٹ لک ریلیز کیا جائے۔اسی سیشن کے دوران ایک فین نے پوچھا، ’’شاہ رخ سر، لڑکیوں کو خوش کرنے کے لیے کیا کرنا چاہیے؟‘‘  تو شاہ رخ نے ہنستے ہوئے کہا، ’’میرا گانا ٹرائی کرو۔‘‘ ان کا یہ جواب سن کر مداحوں نے سوشل میڈیا پر زبردست ردِعمل دیا۔

بھارت ایکسپریس اردو۔