December 2026 Theatre Release: دسمبر میں باکس آفس پر بڑا مقابلہ، شاہ رخ خان کی ‘کنگ’ سے لے کر  پربھاس کی ‘فوجی’ تک، 5 بڑی فلمیں ہوں گی ریلیز

نئی دہلی : دسمبر کا مہینہ سنیما شائقین کے لیے خاصا دلچسپ ثابت ہونے والا ہے، کیونکہ اس دوران بالی ووڈ اور ہالی ووڈ کی کئی بڑی فلمیں سینما گھروں میں ریلیز ہوں گی۔ شاہ رخ خان کی ایکشن فلم “کنگ” سے لے کر پربھاس کی “فوجی” تک متعدد بڑے بجٹ کی فلمیں باکس آفس پر قسمت آزمائیں گی۔پربھاس کی فلم “فوجی” 3 دسمبر کو ریلیز ہوگی۔ اس فلم میں پربھاس مرکزی کردار ادا کر رہے ہیں۔ فلم کے جاری کردہ پوسٹرز میں انہیں خون میں لت پت حالت میں ہاتھ میں بندوق تھامے دکھایا گیا ہے۔ شائقین کو اس فلم سے بڑی توقعات وابستہ ہیں اور اسے پربھاس کے کیریئر کی اہم فلموں میں شمار کیا جا رہا ہے۔ادھر شاہ رخ خان کی ایکشن فلم “کنگ” 24 دسمبر کو سینما گھروں کی زینت بنے گی۔ اس فلم میں شاہ رخ خان کے ساتھ ان کی بیٹی سہانا خان بھی نظر آئیں گی، جن کی یہ تھیٹر میں پہلی فلم ہوگی۔ فلم میں دیپیکا پڈوکون، ابھیشیک بچن اور جیکی شروف بھی اہم کردار ادا کر رہے ہیں، جبکہ اس کی ہدایت کاری سدھارتھ آنند نے کی ہے۔

اسی روز 24 دسمبر کو “شکتی شالنی” بھی ریلیز ہوگی، جس کے باعث “کنگ” کے ساتھ اس کا براہ راست مقابلہ ہوگا۔ یہ خواتین پر مبنی سپر نیچرل تھرلر فلم ہے، جس میں انیت پڈا، نانا پاٹیکر، ونیت کمار سنگھ اور وشال جیٹھوا اہم کرداروں میں دکھائی دیں گے۔ فلم کی ہدایت کاری آدتیہ سرپوتدار نے کی ہے۔

ہالی ووڈ کی سائنس فکشن ایکشن فلم “ایونجرز: ڈومز ڈے” 18 دسمبر کو ریلیز ہوگی۔ جو اور انتھونی روسو کی ہدایت کاری میں بننے والی اس فلم کا ٹریلر حال ہی میں جاری کیا گیا ہے اور مداحوں میں اس کا خاصا جوش و خروش پایا جا رہا ہے۔دوسری جانب اینیمیٹڈ فیملی کامیڈی فلم “دی اینگری برڈز مووی 3” 23 دسمبر کو ریلیز ہوگی۔ جان رائس کی ہدایت کاری میں بننے والی اس فلم کا بھی بچوں اور خاندانوں کے درمیان بے حد انتظار کیا جا رہا ہے۔یوں دسمبر میں ایکشن، تھرلر، اینیمیشن اور سائنس فکشن سمیت مختلف اصناف کی یہ بڑی فلمیں باکس آفس پر زبردست مقابلے کی توقعات پیدا کر رہی ہیں۔

بھارت ایکسپریس اردو