Dipika Kakar Cancer Health Update: ’’لمبی لڑائی ہے…‘‘ کینسر سے جدوجہد کررہی دیپیکا ککڑ نے شیئرکی اپنی بلڈ رپورٹس، جانئے کیسی ہے اب اداکارہ کی حالت؟

Shoaib Ibrahim Vlog Dipika Kakar Health: ٹی وی کی مشہوراداکارہ دیپیکا ککڑ، جنہیں ’سسرال سمرکا‘ سے بہت پیارملا۔ گزشتہ کئی ماہ سے کینسرکی لڑائی لڑرہی ہیں۔ سال 2025 میں انہیں لیورمیں اسٹیج-2 کا کینسرٹیومرپایا گیا۔ اس کی بڑی سرجری ہوئی، جو 14 گھنٹے تک چلی۔ ڈاکٹروں نے ٹیومرنکال دیا اوراس کے بعد ٹارگیٹیڈ تھیریپی بھی شروع کی۔ دیپیکا اوران کے شوہرشعیب ابراہیم نے اپنے بلاگ کے ذریعہ فینس کوپورا معاملہ دکھایا۔

نئے بلاگ میں بتائی رپورٹ

حال ہی میں دیپیکا ککڑنے ایک نیا بلاگ شیئرکیا ہے۔ اس میں انہوں نے اپنی تازہ بلڈ رپورٹس کے بارے میں بتایا ہے۔ رپورٹ دیکھ کردیپیکا جذباتی ہوگئیں اوررونے لگیں۔ بلڈ ٹسٹ کی رپورٹ ٹھیک آئی ہے۔ تاہم ڈاکٹروں نے اسے سنجیدگی سے لیا ہے اوراب آگے کا میڈیکل پروسیس بتایا ہے۔ شعیب ابراہیم نے کہا، ’’لمبی لڑائی ہے۔‘‘ انہوں نے بتایا کہ اب صورتحال معمول کے مطابق ہے، لیکن اب اگلے راونڈ کے لئے مضبوطی سے کھڑے رہنا ہے۔

کینسرکا علاج

دیپیکا ککڑنے بتایا کہ کینسرکے بعد دوبارہ پریشانی آنے کا خوف ہمیشہ رہتا ہے۔ حالانکہ شعیب ابراہیم نے اس پرکہا کہ لوگوں کی دعا ہمارے ساتھ ہے۔ انہوں نے بتایا، ’’مسجد میں نمازادا کرتے وقت کچھ لوگ ملے، جنہوں نے بتایا کہ ان کی امی کوبھی یہی پریشانی تھی اورانہوں نے کچھ خاص دعائیں بتائیں۔ اس سے وہ ٹھیک ہوگئی۔ لوگ ہماری کافی مدد اورکیئرکررہے ہیں۔ لڑائی لمبی ہے۔‘‘

فینس نے مانگی دعائیں

دپیکا ککڑاپنے مداحوں سے دعائیں مانگ رہی ہیں۔ انہوں نے بتایا کہ ٹھیک ہونے میں وقت لگتا ہے۔ نیند پوری کرنا، ہلکی سی چہل قدمی کرنا اورآرام کرنا ضروری ہے۔ جسم خود کوریکور کرنے کی کوشش کرتا ہے۔ شعیب ابراہیم ہمیشہ ان کے شانہ بشانہ کھڑے رہے ہیں۔ ان کا کہنا ہے کہ یہ آسان نہیں ہوگا، لیکن وہ مل کرلڑیں گے۔

بھارت ایکسپریس اردو-

Nisar Ahmad