Dharmendra discharged from Hospital: دھرمیندر بریچ کینڈی اسپتال سے ڈسچارج، گھر پر ہی ہوگا آگے کا علاج

نئی دہلی: بالی ووڈ کے معروف اداکار دھرمیندر، جنہیں عمر سے متعلقہ بیماریوں کے باعث ممبئی کے بریچ کینڈی اسپتال میں داخل کرایا گیا تھا، کئی دنوں کے علاج کے بعد بدھ کی صبح اسپتال سے ڈسچارج کر دیا گیا۔89 سالہ اداکار کی حالت انتہائی تشویشناک بتائی گئی تھی۔ حالانکہ، اب وہ بالکل ٹھیک ہیں۔ اسپتال سے ڈسچارج ہونے کی خبر ان کے مداحوں کے لیے راحت کا باعث ہے۔

گھر پر ہی ہوگا دھرمیندر کا علاج

بریچ کینڈی اسپتال کی میڈیکل ٹیم کے مطابق، دھرمیندر علاج کے لیے اچھا رسپانڈ رہے ہیں اور انہیں ڈسچارج کے لیے تیار مانا جا رہا ہے۔ اہل خانہ بھی اداکار کو جلد از جلد گھر لے جانا چاہتے ہیں اور ان کا مزید علاج گھر پر ہی کیا جائے گا۔

سوشل میڈیا پر موت کی خبر وائرل

دھرمیندر کو 10 نومبر کو خرابی صحت کے باعث آئی سی یو میں منتقل کیا گیا تھا جس کے بعد سوشل میڈیا پر ان کی موت کی جھوٹی خبریں گردش کرنے لگیں۔ دھرمیندر کے اہل خانہ نے فوری طور پر ان خبروں کی تردید کی اور اپنی ناراضگی کا اظہار کیا۔ یہ دور دیول خاندان اور بالی ووڈ کے لیے مشکل تھا۔ سوشل میڈیا پر بالی ووڈ کے بڑے ستاروں سے لے کر سیاست دانوں تک ہر کوئی ان کے لیے نیک خواہشات کا اظہار کر رہا تھا۔

جھوٹی خبریں پھیلانے والوں کی تنقید

اب مداحوں کے آشیرواد کی بدولت اداکار بدھ کے روز گھر واپس پہنچ گئے ہیں۔ اس سے قبل، 11 نومبر کو، دھرمیندر کی اہلیہ ہیما مالنی اور بیٹی ایشا دیول نے اداکار کا ہیلتھ اپڈیٹ فراہم کیا، جس میں کہا گیا تھا کہ وہ مستحکم ہیں اور صحت یاب ہو رہے ہیں۔ انہوں نے مداحوں سے کہا کہ وہ ان کی جلد صحت یابی کے لیے دعا کریں اور ان کی موت کی جھوٹی خبریں پھیلانے والوں کو بھی تنقید کا نشانہ بنایا۔

انہوں نے ایسی رپورٹس کو توہین آمیز اور غیر ذمہ دارانہ قرار دیا۔ انہوں نے سوشل میڈیا پلیٹ فارم پر لکھا، ’’جو کچھ ہو رہا ہے وہ ناقابل معافی ہے! ذمہ دار چینل ایسے شخص کے بارے میں جھوٹی خبریں کیسے پھیلا سکتے ہیں؟ یہ انتہائی توہین آمیز اور غیر ذمہ دارانہ ہے۔‘‘

ایشا دیول نے اپنے اوالد کی موت کی خبر پھیلانے کا ذمہ دار میڈیا پر بھی عائد کرتے ہوئے لکھا کہ میڈیا اس معاملے میں حد سے زیادہ متحرک نظر آرہا ہے اور اہل خانہ کو کم از کم سرکاری بیان کا انتظار کرنا چاہیے۔

بھارت ایکسپریس۔