Bollywood singer Anuradha Paudwal join BJP: لوک سبھا الیکشن 2024 کی تاریخوں کا اعلان ہونے سے پہلے پہلے بالی ووڈ کی مشہورگلوکارہ انورادھا پوڈوال بی جے پی میں شامل ہوگئی ہیں۔ انہیں جنرل سکریٹری ارون سنگھ نے پارٹی میں شامل کرایا۔ اس دوران میڈیا انچارج اوراتراکھنڈ سے لوک سبھا کے امیدوارانل بلونی بھی موجود رہے۔ ہندوستانی حکومت نے ان کو 2017 میں پدم شری سے سرفراز کیا تھا۔
واضح رہے کہ انورادھا پوڈوال بالی ووڈ کی مقبول گلوکارہ ہیں۔ وہ 90 کی دہائی میں اپنے مقبول گیتوں کے سبب کافی سرخیوں میں رہیں۔ وہ ابھی عمرکے 69ویں سال ہیں۔ ان کی شادی بالی ووڈ کے مشہورمیوزک کمپوزر ایس ڈی برمن سے ہوئی تھی۔ ان کے ایک بیٹی اورایک بیٹا ہیں۔ ان کے بیٹے کی کچھ وقت پہلے ہی موت ہوگئی تھی۔ وہیں ان کے شوہرکی موت سال 1991 میں ہوگئی تھی۔
واضح رہے کہ الیکشن کمیشن آج لوک سبھا الیکشن کی تاریخوں کا اعلان کرنے والا ہے۔ اس سے پہلے حکومت نے دوالیکشن کمشنروں کی تقرری بھی کی تھی۔ اس سے پہلے الیکشن کی تاریخوں کا اعلان 13 مارچ کو ہونے والا تھا، لیکن الیکشن کمشنر ارون گوئل کے استعفیٰ کے بعد اسے ٹالنا پڑا تھا۔
بھارت ایکسپریس۔