Agastya tree is no less than Sanjeevani booti: سنجیونی جڑی بوٹی سے کم نہیں ’اگستیہ‘ کا درخت، سر درد اور ذیابیطس سمیت ان بیماریوں کا ہوتا ہے علاج

نئی دہلی: آیوروید میں ایسے کئی درخت اور پودے ہیں، جنہیں کسی بھی طرح کے علاج میں استعمال کیا جاتا ہے۔ ان میں سے ایک ’اگستیہ کا درخت‘ ہے، جو ایک خاص اور قدیم درخت ہے۔ اس کی خوبیاں ایسی ہیں کہ اگر اس کا سنجیونی جڑی بوٹی سے موازنہ کیا جائے تو یہ بھی کم نہیں۔ اگستیہ کا درخت کا پھول ہو یا پتے، یا جڑ یا چھال، ہر ایک چیز کافی فائدہ مند ہوتا ہے۔ آئیے آپ کو اس سے متعلق خاص خصوصیات کے بارے میں بتاتے ہیں۔

آیوروید کے مطابق آگستہ کا درخت جسم سے زہریلے عناصر کو نکالنے کا کام کرتا ہے۔ اس کے پنچانگ یعنی پھول، پھل، پتے، جڑیں اور چھال استعمال ہوتی ہے۔ اس درخت میں آئرن، وٹامنز، پروٹین، کیلشیم اور کاربوہائیڈریٹ وافر مقدار میں پائے جاتے ہیں۔

’اگستیہ کا درخت‘ کو اگستی یا گاچ مونگا کے نام سے بھی جانا جاتا ہے۔ اس کا سائنسی نام’ سسبانیہ گرانڈی فلورا‘ ہے اور یہ تیزی سے بڑھنے والا پودا ہے۔ یہ مقامی طور پر ملیشیا سے شمالی آسٹریلیا کے علاقے میں پایا جاتا ہے۔

’اگستیہ کے درخت‘ پر اگنے والے پھول صحت کے لیے بہت فائدہ مند ہوتے ہیں، جو اینٹی آکسیڈنٹ، اینٹی بیکٹیریل، اینٹی انفلامیٹری اور اینٹی السر خصوصیات سے بھرپور ہوتے ہیں۔ ’اگستیہ کا پھول‘ ذیابیطس، سردرد، خارش سمیت کئی مسائل کے لیے فائدہ مند سمجھا جاتا ہے۔ اس کا استعمال عرق یا پاؤڈر کی شکل میں ہوتا ہے۔

آیورویدک ماہرین کے مطابق سر درد کی صورت میں اس کے پھولوں کا عرق بنا کر پیا جاسکتا ہے جس سے سر درد میں آرام ملتا ہے۔ اس کے علاوہ ’اگستیہ کے پھول‘سردی کے مسئلے کو بھی ختم کرنے میں مدد دیتے ہیں۔

یہی نہیں ’پھول‘ کا عرق پیٹ سے متعلق مسائل کے لیے بھی موثر ہے۔ اس کی اینٹی السر خصوصیات معدے کے السر کو ٹھیک کرنے میں فائدہ مند ثابت ہوتی ہیں۔ اس کے علاوہ اس کا عرق گیس، پیٹ کے درد اور آنتوں کی سوزش کے لیے سنجیونی جڑی بوٹی سے کم نہیں۔

یہ خارش کے مسئلے سے بھی نجات دلاتا ہے۔ اینٹی آکسیڈنٹ اور اینٹی بیکٹیریل خصوصیات کی وجہ سے یہ اسکن انفیکشن کو ختم کرنے کا کام کرتا ہے۔ اس کے علاوہ اسے ذیابیطس میں بھی فائدہ مند سمجھا جاتا ہے۔ اس کا عرق ذیابیطس ٹائپ ٹو کو کنٹرول کرنے میں فائدہ مند ہے۔ اس کے علاوہ اس کا کاڑھا پینے سے بلڈ شوگر کنٹرول ہوتی ہے۔

اس کے پھولوں میں اینٹی انفلامیٹری، اینٹی آرتھرائٹس خصوصیات پائی جاتی ہیں جو کہ گٹھیا کے مریضوں کے لیے اہم ہیں۔ گٹھیا کے دوران ہونے والی سوجن اور درد کو کم کرنے میں مدد کرتا ہے۔ اس میں خصوصیات کا خزانہ ہے لیکن جب بھی آپ اسے استعمال کریں تو ماہر کا مشورہ ضرور لیں۔

بھارت ایکسپریس۔