اتراکھنڈ کے چمولی میں بدھ کے روزخطرناک حادثہ پیش آیا ہے۔ الکنندا ندی کے ساحل پرنمامی گنگے کے سیورٹریٹمنٹ پلانٹ میں کرنٹ پھیلنے سے 15 افراد کی موت ہوگئی ہے۔ وہیں اس کی چپیٹ میں آکرکئی افراد جھلس گئے ہیں، جن کا علاج جاری ہے۔ بتایا جا تا ہے کہ زخمیوں میں چمولی کے داروغہ بھی شامل ہیں۔ فی الحال زخمیوں کا علاج ضلع اسپتال میں جاری ہے۔
اتراکھنڈ کے چمولی ضلع میں نمامی گنگے پروجیکٹ کی سائٹ پرکرنٹ لگنے سے 15 افراد کی موت ہوگئی ہے۔ وہیں اس حادثے سے ناراض لوگوں نے بجلی کارپوریشن پرلاپرواہی کا الزام لگایا ہے۔ وہ کارپوریشن کے خلاف کارروائی کا مطالبہ کر رہے ہیں۔ دوسری جانب، حادثہ کی جانکاری ہوتے ہی پروجیکٹ کا کام روک دیا گیا ہے۔ راحت کے لئے ٹیمیں موقع پرپہنچ گئی ہیں۔
اس پورے معاملے میں اتراکھنڈ کے وزیراعلیٰ پشکرسنگھ دھامی نے افسوس کا اظہارکرتے ہوئے عدالتی جانچ کے احکامات دیئے ہیں۔ ایس پی چمولی پرمیندر ڈوبھال نے بتایا کہ چمولی ضلع میں الکنندا ندی کے کنارے ٹرانسفارمر پھٹنے سے 10 افراد کی موت ہوگئی جبکہ کئی لوگ بری طرح سے زخمی ہوگئے ہیں۔ زخمیوں کو ضلع اسپتال میں داخل کرایا گیا ہے۔ اسپتال کے باہر لوگوں کی بھیڑجمع ہوگئی ہے۔ اس کے علاوہ اسپتال اورجائے حادثہ پراعلیٰ افسران کی قطار دیکھنے کو مل رہی ہے۔
بھارت ایکسپریس۔