اپنے دعوتی کاموں اور بیانوں کی وجہ سے مولاناطارق جمیل پوری دنیا میں مشہور ہیں

اب مولانا طارق جمیل نے دعویٰ کیا ہے کہ بالی وڈ فلم اسٹار سلمان خان سمیت ان کی بہنیں اپنے گھر میں باقاعدگی سے ان کا بیان سنتے ہیں۔

مولانا طارق جمیل کا شمار نامور اسلامک اسکالرز میں ہوتا ہے، وہ بالی وڈ اسٹار عامر خان سے بھی ملاقات کرچکے ہیں۔

شاہد آفریدی نے عامر خان کی مولانا طارق جمیل سے ملاقات کروائی تھی

ایک انٹرویو میں انہوں نے  عامر خان سے ملاقات کا احوال بتاتے ہوئے کہا تھا کہ شروع میں انہوں نے بھارتی اداکار سے فلموں کی باتیں کیں، جس پر اداکار حیران رہ گئے۔

انہوں نے عامر خان کو پرانے بالی وڈ سے متعلق وہ باتیں بتائیں جو وہ خود بھی نہیں جانتے تھے

ملاقات کے دوران مولانا طارق جمیل نے عامر خان کو حج کرنے کا کہا اور انہیں حج کی فضیلت بتائی۔

اب حال ہی میں مولانا طارق جمیل نے یوٹیوبر نادر علی کے پوڈکاسٹ میں شرکت کی جہاں انہوں نے دعویٰ کیا کہ سلمان خان اپنے گھر میں ان کا بیان سنتے ہیں۔

 نادر علی نے سوال پوچھا کہ ’آپ نے مجھے کہا تھا کہ عامر خان نے مجھے بتایا کہ سلمان خان کے گھر بھی بیان چلتے ہیں، کیا آپ کو یادہے؟‘۔

جس پر مولانا طارق جمیل نے کہا کہ ’عامر خان نہیں بلکہ میرے ایک دوست ہیں جن کا کاروبار بھارت میں بھی ہے

وہ ممبئی گئے تو ان کے پارٹنر نے ان کی ملاقات سلمان خان سے کروائی۔

سلمان خان کو جب معلوم ہوا کہ میرے دوست پاکستان سے ممبئی آئے ہیں تو انہوں نے میرے دوست سے دریافت کیا کہ کیا آپ مولانا طارق جمیل کو جانتے ہیں؟

جس پر میرے دوست نے کہا کہ آپ کو ان کا کیسے پتا؟

اس پر سلمان خان میرے دوست کو اپنے گھر کے اندر لے گئے جہاں ایک دیوار کے ساتھ میرے بیان کی ڈھیروں سی ڈیز موجود تھیں۔

نامور اسلامک اسکالر نے دعویٰ کیا کہ سلمان خان کی بہنیں بھی باقاعدہ میرا بیان سنتی ہیں اور ان کے گھر میں بھی میرے بیانات سنے جاتے ہیں۔

مولانا طارق جمیل کے دعوے کو آپ سن سکتے ہیں

مولانا طارق جمیل کی سلمان خان سے ملاقات نہیں ہوئی ہے