Nitish Kumar : نتیش کمار نے کہا کہ وہ نا تو پی ایم کے امیدوار ، نا ہی سی ایم کے ،ہدف ہے میرا بی جےپی کو ہرانا

بہار میں مہاگٹھ بندھن پارٹی کی میٹنگ میں وزیر اعلیٰ نتیش کمار (Nitish Kumar)نے کہا کہ میں نا تو وزیر اعظم کا امیدوار بننا چاہتا ہوں اور نا ہی وزیر اعلیٰ کا امیدوار۔ میرا ایک ہی مقصد ہے، بی جے پی کو ہرانا، لیکن تیجسوی یادو کے بارے میں انہوں نے ایک بار پھر کہا کہ انہیں آگے بڑھنا ہے۔

بہار کے وزیر اعلی نتیش کمار 2025 میں ہونے والے بہار انتخابات میں وزیر اعلی کے عہدے کے دعویدار نہیں ہوں گے۔ اس کا اعلان انہوں نے خود کیا ہے۔ پیر کو پٹنہ میں عظیم اتحاد کے ایم ایل اے کی میٹنگ میں نتیش نے کہا  کہ 2025 کے اسمبلی انتخابات تیجسوی یادو کی قیادت میں لڑا جائےگا۔ میرا ہدف 2024 لوک سبھا میں بی جے پی کو شکست دینا ہے۔ میں وزیراعلیٰ یا وزیراعظم کا امیدوار نہیں بننا چاہتا۔

نتیش کمار نے کہا کہ بہار انتخابات 2025 میں صرف تیجسوی یادو ہی لیڈر ہوں گے۔ نتیش نے ایک طرح سے اشارہ دیا ہے کہ وہ اگلے  باربہار انتخابات میں لیڈر نہیں بنیں گے۔ نتیش نے کہا کہ 2024 میں بی جے پی کو ہٹانا ہے اور تیجسوی کو اگلے اسمبلی انتخابات میں آگےبڑھانا ہے۔

اس کے ساتھ، انہوں نے کہا کہ مستقبل میں کچھ ہوگا، وہ تیجسوی(Tejashwi Yadav) کو بتاتے رہیں گے ۔ دوسری جانب جو لوگ آپس میں جھگڑا کرنا چاہتے ہیں وہ ایسا نہ کریں، جب کوئی آپس میں جھگڑا پیدا کرنے کی کوشش کرے تو اس سے بھی گریز کریں، سب کو مل کر کام کرنا ہوگا، اور یکجہتی کا مظاہرہ کرنا ہوگا۔

راہل تیواری نے یہ بھی کہا کہ شراب پر پابندی کے تعلق سے کانگریس ایم ایل اے کی نشاندہی کرتے ہوئے وزیر اعلیٰ نے یہ بھی کہا کہ جب شراب بندی ہو رہی تھی اس وقت جلیل مستان ممنوعہ شراب سے متعلق وزیر تھے جن کا تعلق کانگریس سے تھا اور ان کی قیادت میں یہ شراب بندی ہوئی تھی۔ ایسے میں اگر سابق ایم ایل اے سوال اٹھاتے ہیں تو اس سے پہلے یہ سمجھ لینا چاہیے کہ وہ کس بنیاد پر سوال اٹھا رہے ہیں۔