بہار کے وزیر اعلیٰ سمراٹ چودھری نے بھرت تیواری کے اہل خانہ کی مدد اور نوکری دینے کا اعلان کیا۔
بہار کے وزیراعلیٰ سمراٹ چودھری نے ایکس پرٹویٹ کرکے بتایا کہ ’’حکومت متوفی بھرت تیواری کے اہل خانہ کو مالی امداد اوران کے اہل خانہ کے ایک فرد کوسرکاری ملازمت فراہم کرے گی۔‘‘ بھارت تیواری انکاؤنٹرمعاملے کی تحقیقات کے لیے بنائے گئے کمیشن آف انکوائری نے اپنی عبوری رپورٹ پیش کردی ہے۔ رپورٹ کے بعد حکومت نے متاثرہ اہل خانہ کے مفاد میں ایک اہم فیصلہ لیا ہے۔ حکومت نے واضح کیا ہے کہ کمیشن کی طرف سے پیش کردہ حقائق اورسفارشات کی بنیاد پربھرت تیواری کے اہل خانہ کو مدد اورانصاف فراہم کرنے کی ہرممکن کوشش کی جا رہی ہے۔
سمراٹ چودھری کی بھرت تیواری کے اہل خانہ سے ملاقات
بہارکے وزیر اعلیٰ سمرٹ چودھری نے ایکس پرٹویٹ کیا، ’’عدالتی انکوائری کی عبوری رپورٹ کی بنیاد پر، بہار حکومت بھرت تیواری کے اہل خانہ کو مالی مدد اوران کے اہل خانہ کے ایک فرد کو سرکاری ملازمت فراہم کرے گی۔‘‘ اس سے قبل 24 جولائی کووزیراعلیٰ سمراٹ چودھری نے بھرت تیواری کے اہل خانہ سے ملاقات کی اورانہیں منصفانہ تحقیقات کا یقین دلایا۔ اس وقت سمراٹ چودھری نے سوشل میڈیا پربھرت تیواری کے اہل خانہ کے ساتھ ایک تصویرشیئرکرتے ہوئے لکھا کہ بھرت تیواری کے اہل خانہ کو انصاف ملے گا۔
न्यायिक जाँच के अंतरिम रिपोर्ट के आधार पर बिहार सरकार द्वारा दिवंगत भरत तिवारी के परिवार को आर्थिक सहायता एवं एक परिजन को सरकारी नौकरी प्रदान की जाएगी।
— Samrat Choudhary (@samrat4bjp) August 13, 2026
کیسے ہوئی تھی بھرت تیواری کی موت؟
آپ کو بتا دیں کہ 17 جون 2026 کو بہار کے بھوجپورضلع کے بلوٹی گاوں میں پولیس آپریشن کے دوران بھرت بھوشن تیواری کی موت ہوگئی تھی۔ پولیس کا دعویٰ تھا کہ بھرت تیواری نے غیرقانونی ہتھیار سے پولیس ٹیم پرحملہ کیا تھ، جس کے جواب میں ان کو اپنے دفاع میں گولی چلانی پڑی۔ حالانکہ ان کے اہل خانہ اورگاوں والوں نے پولیس کی اس کارروائی پرسوال اٹھائے اورالزام لگایا کہ یہ ایک فرضی انکاونٹرتھا۔
31 جولائی کو ایک پولیس اہلکار کوکیا گیا تھا گرفتار
گزشتہ 31 جولائی کوبھرت تیواری انکاونٹرمعاملے میں ایک پولیس اہلکارکوگرفتارکیا گیا تھا۔ اس حادثہ کی تصدیق کرتے ہوئے آرا کے پولیس سپرنٹنڈنٹ (ایس پی) راج نے بتایا کہ اس معاملے میں شامل پولیس اہلکاراکشے کوگرفتارکرلیا گیا ہے۔ ایس پی نے مزید بتایا کہ یہ کارروائی آرا پولیس اوراسپیشل ٹاسک فورس (ایس ٹی ایف) کی مشترکہ ٹیم نے کی ہے۔ ملزم افسر کے خلاف آگے کی قانونی کارروائی جاری ہے اورقانون کے مطابق جانچ کی جا رہی ہے۔
بھارت ایکسپریس اردو-
بہار کے ضلع ویشالی میں راگھوپور کے قریب کشتی بے قابو ہو کر الٹ گئی۔…
کیشوپور، جنک پوری، روہنی، سونیا وہار اور منگول پوری سمیت کئی علاقوں میں خفیہ کیمرے…
دہلی پولیس نے جنتر منتر کے علاقے میں بغیر اجازت داخل ہونے کے الزام میں…
تجارت، توانائی، ٹیکنالوجی، سلامتی اور عوامی روابط سمیت اہم شعبوں میں ٹھوس نتائج حاصل کرنے…
وزیر اعظم نریندر مودی کے خلاف مبینہ ’چوکیدار چور ہے‘ تبصرے سے متعلق فوجداری ہتک…
رشی سونک نے سوشل میڈیا پر لکھا ہے کہ وزیر اعظم نریندر مودی، آج نئی…