Chetan Sharma Cricket Stadium: چیتن شرما کرکٹ اسٹیڈیم میں دو روزہ ٹرائل کیمپ، 450 کھلاڑی شارٹ لسٹ، 120 کا ہوگا حتمی انتخاب

نئی دہلی : نوجوان کرکٹ ٹیلنٹ کو قومی سطح پر اپنی صلاحیت دکھانے کا موقع فراہم کرنے کے مقصد سے سیلیوٹ ترنگا کرکٹ لیگ (STCL) سیزن-1 کے لیے نوئیڈا واقع چیتن شرما کرکٹ اسٹیڈیم میں دو روزہ ٹرائل کیمپ کا انعقاد کیا جا رہا ہے۔ STCL سیزن-1 کے لیے ملک بھر سے تقریباً 15,000 کھلاڑیوں نے رجسٹریشن کرایا تھا، جن میں سے تقریباً 450 کھلاڑیوں کو شارٹ لسٹ کرکے ٹرائل کے لیے بلایا گیا ہے۔اس ٹرائل کیمپ میں ممبئی، پٹنہ، چنئی، حیدرآباد، کولکاتا، بنگلورو، جے پور، دہلی، لکھنؤ، چندی گڑھ اور علی گڑھ سمیت مختلف شہروں کے کھلاڑی حصہ لے رہے ہیں۔ ٹرائل کا عمل مکمل ہونے کے بعد تقریباً 120 کھلاڑیوں کا حتمی انتخاب کیا جائے گا۔

17 سے 19 اکتوبر تک ہوں گے پریکٹس اور مسابقتی میچ

حتمی طور پر منتخب کیے جانے والے کھلاڑیوں کے درمیان 17 سے 19 اکتوبر تک پریکٹس اور مسابقتی میچ منعقد کیے جائیں گے۔ ان مقابلوں میں کھلاڑیوں کی کارکردگی کی بنیاد پر انہیں STCL کی 8 ٹیموں میں شامل کیا جائے گا۔اس کے بعد STCL سیزن-1 کا انعقاد 21 سے 28 اکتوبر 2026 تک راجستھان کے ناتھ دوارہ واقع ڈاکٹر مدن پالیوال میراج اسٹیڈیم میں کیا جائے گا۔ لیگ کے دوران نوجوان کھلاڑیوں کو تجربہ کار کرکٹرز سے سیکھنے کے ساتھ اپنی صلاحیتوں کا مظاہرہ کرنے کا بھی موقع ملے گا۔

کئی سابق کرکٹرز بطور ماہر اور مینٹور شامل

لیگ سے وابستہ اہم کرکٹ ماہرین اور مینٹورز میں چیتن شرما، جو لیگ کمشنر ہیں، کے علاوہ اشوک ملہوترا، مدن لال، منندر سنگھ، صبا کریم، وویک راج دان اور پیوش چاؤلہ سمیت کئی معروف نام شامل ہیں۔STCL کے چیئرمین ڈاکٹر راجیش جھا نے کہا کہ لیگ کا مقصد ملک کے مختلف حصوں سے ابھرنے والی کرکٹ صلاحیتوں کو تلاش کرنا اور انہیں اپنی صلاحیت ثابت کرنے کے لیے بہتر پلیٹ فارم فراہم کرنا ہے۔وہیں وائس چیئرمین روی چکارا نے کہا کہ کھلاڑیوں اور ان کے والدین کی شرکت سے ٹرائل کیمپ کو لے کر خاصا جوش و خروش دیکھنے کو مل رہا ہے۔

گراس روٹ ٹیلنٹ کو آگے بڑھانے پر زور

STCL کے ڈائریکٹر مکیش کمار سنگھ نے کہا کہ یہ پہل ان نوجوان کھلاڑیوں کے لیے مواقع فراہم کرنے کی سمت ایک اہم قدم ہے، جو کرکٹ میں اپنا کیریئر بنانا چاہتے ہیں۔STCL سیزن-1 کا مقصد گراس روٹ سطح پر موجود کرکٹ ٹیلنٹ کو شناخت کرکے انہیں مسابقتی کرکٹ کا تجربہ اور آگے بڑھنے کے لیے ایک بہتر پلیٹ فارم فراہم کرنا ہے۔ لیگ کے ذریعے نوجوان کھلاڑیوں کو اپنی صلاحیت ثابت کرنے اور تجربہ کار کرکٹرز سے سیکھنے کا موقع ملے گا۔

بھارت ایکسپریس اردو