Rishabh Pant: بحالی کے عمل سے گزر رہے ہیں رشبھ پنت، ویڈیو دیکھ کر آپ کا دل بھی ہو جائے گا خوش

Rishabh Pant:  ہندوستانی کرکٹ شائقین اور ٹیم انڈیا نے WTC فائنل میں رشبھ پنت کو بہت یاد کیا۔ آخری دن ہدف کا تعاقب کرتے ہوئے ٹیم انڈیا کی بلے بازی ڈگمگا گئی اور فائنل میں اسے عبرتناک شکست کا سامنا کرنا پڑا۔ تب مداحوں کے دل سے ایک ہی خواہش نکل رہی تھی – ‘کاش رشبھ پنت کھیلتے’۔ ویسے تو بھارتی کرکٹ شائقین کا یہ خواب چکنا چور ہو گیا لیکن اب ایسی خبر منظر عام پر آ گئی ہے جسے سن کر بھارتی کرکٹ شائقین بہت خوش ہو جائیں گے۔ دراصل سوشل میڈیا پر ایک ویڈیو کافی وائرل ہو رہا ہے جس میں رشبھ پنت نظر آ رہے ہیں۔ اس ویڈیو کو دیکھ کر یہ کہنا غلط نہیں ہوگا کہ وہ تیزی سے صحت یاب ہو رہے ہیں۔

رشبھ سوشل میڈیا کے ذریعے مداحوں کو اپنی فٹنس کے بارے میں مسلسل اپ ڈیٹس دے رہے ہیں۔ حال ہی میں ایک رپورٹ میں دعویٰ کیا گیا تھا کہ پنت کو مزید سرجری کی ضرورت نہیں پڑے گی۔ امید ہے کہ وہ جلد ہی فٹ ہونے کے بعد ٹیم انڈیا میں واپسی کریں گے۔

یہ بھی پڑھیں- India vs Pakistan Wordl Cup 2023: ہندوستان-پاکستان کے درمیان ہوگا عالمی کپ کا فائنل، پاکستان کے عظیم کپتان نے کردی یہ بڑی پیشین گوئی

25 سالہ رشبھ پنت کا یہ ویڈیو سوشل میڈیا پر خوب وائرل ہو رہا ہے۔ اس ویڈیو میں پنت زخمی گھٹنے سے متعلق ورزش کر رہے ہیں۔ پنت نے چھڑی پکڑی ہوئی ہے اور اس کے سہارے سے ‘لنگیس’ کر رہے تھے۔ ان کے گھٹنے میں ہی سب سے زیادہ چوٹ لگی ہے اس لیے اس میں زیادہ درد ہو رہا ہے۔ اسی لیے وہ ورزش کے دوران کراہتے بھی نظر آئے۔ لیکن اس ویڈیو کو دیکھنے کے بعد ایک بات واضح ہے کہ پنت اپنی فٹنس اور صحت یابی کے لیے سخت محنت کر رہے ہیں اور جلد ہی میدان میں واپسی کی ہر ممکن کوشش کر رہے ہیں۔ آپ کو بتاتے چلیں کہ کرکٹر رشبھ پنت گزشتہ سال ایک خوفناک کار حادثے کا شکار ہو گئے تھے جس کے بعد سے وہ کرکٹ سے دور ہیں اور شائقین ٹیم انڈیا میں ان کی واپسی کا بے صبری سے انتظار کر رہے ہیں۔

-بھارت ایکسپریس