Indian Premier League: آئی پی ایل2025 میں کوئی ڈانس یا ڈی جے نہیں ہونا چاہیے، سنیل گواسکر نے بی سی سی آئی کوکیوں دی یہ صلاح؟

پہلگام میں دہشت گردانہ حملے میں 26 افراد کی ہلاکت کے بعد آئی پی ایل 2025 میں کھلاڑیوں نے انہیں خراج عقیدت پیش کرنے کے لیے بازوؤں پر سیاہ پٹی باندھ کر میچ کھیلا تھا۔ 7 مئی کو ہندوستانی فوجیوں نے پاکستان میں دہشت گردوں کے 9 ٹھکانے تباہ کردیا۔ اس کے بعد پاک فوج نے ڈرون سے حملہ کیا ،جسے بھارتی فوجیوں نے مار گرایا۔ کشیدہ صورتحال کے درمیان آئی پی ایل 2025 کو ملتوی کیا گیا تھا، اب ٹورنامنٹ 17 مئی سے دوبارہ شروع ہو رہا ہے۔ اس سے قبل بھارتی لیجنڈ سنیل گواسکر بی سی سی آئی کو ایک مشورہ دے چکے ہیں۔

سنیل گواسکر نے مطالبہ کیا ہے کہ 17 مئی سے دوبارہ شروع ہونے والے آئی پی ایل 2025 ٹورنامنٹ میں موسیقی، رقص، جشن کا ماحول ختم کیا جائے۔سنیل گواسکر نے یہ مطالبہ پہلگام حملے میں ہلاک ہونے والوں اور ہندوستان اور پاکستان کے درمیان ہونے والے تشدد کے متاثرین کے اعزاز میں یہ بات کہی۔ اسپورٹس ٹوڈے سے بات کرتے ہوئے، انہوں نے کہا، “ان کے اعزاز میں اسٹیڈیم کو تفریح ​​سے دور رکھا جانا چاہیے۔”

انہوں نے کہا، “میں امید کرتا ہوں کہ جو کچھ ہوا ہے اور کچھ خاندان جنہوں نے اپنے پیاروں کو کھو دیا ہے، اس کے حوالے سے اسٹیڈیم کو تفریح ​​سے دور رکھا جانا چاہئے، وہاں صرف کھیل ہی ہونا چاہئے، تماشائیوں کو آنے دیں، لیکن میوزک نہ بجائیں، اوورز کے درمیان ڈی جے نہ بجائیں، ایسا کچھ  بھی نہیں ہونا چاہیے، صرف کھیل ہونا چاہیے، کوئی ڈانسر نہیں ہو، کچھ بھی نہیں، صرف کرکٹ ہونا چاہیے، ان  خاندانوں کی امیدوں  کا احرام کرنے کا ایک اچھا  طریقہ ہوگا، جنہوں نے اپنے پیاروں کو کھو دیا ہے”۔

آئی پی ایل 2025 پلے آف کی پہلی ٹیم پہلے ہی میچ میں مل سکتی ہے

17 مئی کو بنگلورو میں آرسی بی بمقابلہ کے کے آر میچ اہم ہے۔ اگر آرسی بی جیت جاتا ہے، تو رجت پاٹیدار کی کپتانی والی یہ ٹیم اس سیزن میں پلے آف میں پہنچنے والی پہلی ٹیم بن جائے گی۔ اگر کےکےآڑ ہار جاتی ہے تو یہ ریس سے باہر ہونے والی چوتھی ٹیم بن جائے گی۔

بی سی سی آئی نے باقی تمام 17 میچوں (بشمول پلے آف) کا شیڈول جاری کر دیا ہے۔ لیگ مرحلے کے 13 میچز 6 وینیوز پر کھیلے جائیں گے۔ دونوں کوالیفائر، ایلیمینیٹر اور فائنل میچز کے مقامات ابھی تک طے نہیں ہوئے ہیں۔

بھارت ایکسپریس اردو