Ireland Head Coach Step Down: ہندوستان کے خلاف تاریخی جیت کے بعد آئرلینڈ کو لگا بڑا جھٹکا، کوچ نے اچانک دے دیا استعفیٰ

آئرلینڈ نے گزشتہ اتوار (28 جون) ہندوستان کے خلاف دوسرا ٹی-20 جیت کرسیریزاپنے نام کرلی۔ یہ پہلا موقع تھا کہ جب آئرلینڈ نے ٹیم انڈیا کے خلاف کسی فارمیٹ میں سیریز جیتی۔ اب اس تاریخی جیت کے بعد آئرلینڈ کوبڑا جھٹکا لگا۔ ٹیم کے چیف کوچ ہینرل ملان نے کانٹریکٹ ختم ہونے سے پہلے ہی استعفیٰ دینے کا فیصلہ کیا ہے۔

چیف کوچ ہینرل ملان کا کانٹریکٹ 2027 کی شروعات تک تھا، لیکن انہوں نے اس سے پہلے ہی عہدہ چھوڑنے کا فیصلہ کیا۔ آئرلینڈ کرکٹ بورڈ نے پیر (29 جون) کو اعلان کرتے ہوئے بتایا کہ ہینرک مرد ٹیم کے چیف کوچ  کا عہدہ چھوڑ رہے ہیں۔

کامیاب کوچ رہے ہینرک ملان

45 سال کے ہینرک ملان کو 2022 میں چیف کوچ کی ذمہ داری سونپی گئی تھی۔ انہوں نے 4 سال سے زیادہ اس عہدے پرکام کیا۔ ان کی کوچنگ میں آئرلینڈ نے کئی کامیابی حاصل کیں، جس میں سب سے بڑی کامیابی ہندوستان کے خلاف ٹی-20 سیریزجیتنا ہے۔ اس کے علاوہ ٹیم نے مسلسل تین بار ٹی-20 ورلڈ کپ کے لئے کوالیفائی کیا۔ آئرلینڈ کی پہلی تین ٹسٹ جیت بھی کوچ ہینرک ملان کی قیادت میں ہوئی۔

█▓▒▒░░░BREAKING NEWS░░░▒▒▓█

Heinrich Malan to step down as Ireland Men’s head coach – read more: https://t.co/LmOtfd6F7d#BackingGreen #FailteSolar pic.twitter.com/Ny3H7tYEjB

— Cricket Ireland (@cricketireland) June 29, 2026

ہینرک ملان نے کیا کہا؟

ہینرک ملان نے کہا- “ان کھلاڑیوں، اسٹاف اورآئرش کرکٹ طبقہ کے ساتھ کام کرنا میرے لئے بہت بڑے اعزاز کی بات رہی۔ یہاں رہنے کا میرا اور میری فیملی کا تجربہ بہت شانداررہا ہے اورہم آئرش کرکٹ سے وابستہ اپنے وقت کو بہت پیارسے یاد کریں گے۔” انہوں نے مزید کہا، میدان پر،ہم فخر کے ساتھ کئی تاریخی جیت کو یاد کرسکتے ہیں، جیسے میلبورن میں انگلینڈ کے خلاف ٹی-20 ورلڈ کپ میں تاریخی جیت، ابوظہبی میں افغانستان کے خلاف پہلی ٹسٹ جیت، بیل فاسٹ میں زمبابوے کے خلاف پہلی گھریلو ٹسٹ جیت، ہندوستان کے خلاف گھریلو ٹی-20 سیریزمیں تاریخی جیت اورپاکستان، ویسٹ انڈیزاورجنوبی افریقہ کو ہرانا۔ اس کے ساتھ دنیا کی ٹاپ ٹیموں کو چیلنج دینے اورانہیں ہرانے کی مسلسل قابلیت کی بدولت ٹی-20 ورلڈ کے لئے راست کوالیفائی کرنا بھی ہماری بڑی حصولیابی رہی۔”

بھارت ایکسپریس اردو-