T20 World Cup: صرف 19 سال کی عمر میں بھارتی نژاد کھلاڑی یوراج سمرا نے سینچری بنا کر رقم کی تاریخ

نئی دہلی : کینیڈا کی ٹیم کے بھارتی نژاد نوجوان کھلاڑی یوراج سمرا نے ٹی20 ورلڈ کپ میں سب سے کم عمر کھلاڑی کے طور پر سینچری بنائی۔ یوجراج نے یہ کارنامہ صرف 19 سال اور 141 دن کی عمر میں انجام دیا۔اس میچ میں یوراج  سمرانے 65 گیندوں پر 110 رنز بنائے، جن میں 6 چھکے اور 11 چوکے شامل تھے۔ انہوں نے اس شاندار پرفارمنس کے ساتھ پاکستان کے احمد شہزاد (22 سال اور 127 دن) کو پیچھے چھوڑ دیا، جنہوں نے 2014 میں بنگلہ دیش کے خلاف سینچری بنائی تھی۔ اس فہرست میں تیسرے نمبر پر سریش رائنا ہیں، جنہوں نے 2010 میں ساؤتھ افریقہ کے خلاف 23 سال اور 156 دن کی عمر میں سینچری بنائی۔

یوراج سمرا اس پرفارمنس کے ساتھ ٹی20 ورلڈ کپ میں سب سے کم عمر میں نصف سینچری بنانے کا اعزاز بھی حاصل کر چکے ہیں، جس میں انہوں نے بنگلہ دیش کے جنید صدیقی (19 سال اور 325 دن) کو پیچھے چھوڑ دیا۔ پاکستان کے عمر اکمل اور بھارت کے روہت شرما بھی اس فہرست میں شامل ہیں۔یہ ٹی20 ورلڈ کپ میں ایسوسی ایٹ ٹیم کی طرف سے سب سے بڑی انفرادی اننگز بھی ہے۔ یوراج سمرا نے یو ایس اے کے ایرون جونز کو پیچھے چھوڑا، جنہوں نے 2024 میں کینیڈا کے خلاف 94 رنز کی اننگز کھیلی تھی۔ اس فہرست میں اسکولینڈ کے مائیکل جونز اور جارج منسی بھی شامل ہیں۔

میچ کے دوران ایم اے چدمبرم اسٹیڈیم میں کینیڈا نے پہلے بیٹنگ کرتے ہوئے 4 وکٹوں کے نقصان پر 173 رنز بنائے۔ جواب میں نیوزی لینڈ نے 15.1 اوورز میں 8 وکٹیں باقی رکھتے ہوئے میچ جیت لیا۔یوراج سمرا کے خاندان کی جڑیں پنجاب سے ہیں۔ ان کے والد بلجیت سنگھ پنجاب سے کینیڈا آئے تھے۔ یوراج 29 ستمبر 2006 کو اونٹاریو کے برمپٹن میں پیدا ہوئے۔ والد نے بھارتی کرکٹر یوراج سنگھ کے مداح ہونے کی وجہ سے اپنے بیٹے کا نام بھی یوراج رکھا۔ یوراج سمرا خود بھی اپنا آئیڈیل یوراج سنگھ مانتے ہیں۔

بھارت ایکسپریس اردو