India vs Pakistan World Cup 2023: احمد آباد میں پاکستان کا مقابلہ ہندوستان سے، ہوٹل کے کمروں کی قیمتوں میں غیر معمولی اضافہ

India vs Pakistan World Cup 2023:  ورلڈ کپ 2023 کا پاکستان اور ہندوستان  کے درمیان میچ 15 اکتوبر کو ریاست گجرات کے شہر احمد آباد میں کھیلا جائے گا۔ اس مقابلے کی وجہ سے  احمد آباد کے ہوٹل کے کمروں کی قیمتیں بڑھ گئی ہیں۔ بتایاجارہا ہے کہ احمد آباد کے ہوٹلوں کی قیمتیں تقریباً دس گنا بڑھ گئی ہیں۔ آئی سی سی نے گزشتہ منگل (27 جون) کو ورلڈ کپ کا شیڈول جاری کیا تھا ۔ رپورٹس کے مطابق شیڈول کے جاری ہونے کے بعد سے احمد آباد میں ہوٹل کی قیمتوں میں بڑا اضافہ ہوا ہے جس کی وجہ سے شائقین کو مہنگا پڑ سکتا ہے۔

ایک رپورٹ کے مطابق ساڑھے تین ماہ قبل ایک فائیو سٹار ہوٹل میں بنیادی زمرے کے ایک کمرے کی قیمت ایک رات کے قیام کے لیے 50,000 روپے تک ہے۔ اسی رپورٹ میں مزید بتایا گیا کہ وقت گزرنے کے ساتھ ساتھ اس میں مزید 6,500 روپے سے 10,500 روپے تک اضافہ ہوسکتا ہے۔ ورلڈ کپ کا پہلا میچ 5 اکتوبر کو ریاست گجرات کے شہر احمد آباد کے نریندر مودی اسٹیڈیم میں کھیلا جائے گا۔ اس کے بعد پاک بھارت میچ اور پھر فائنل میچ بھی یہاں کھیلا جانا ہے۔

آئی ٹی سی نرمدا کے جنرل مینیجر میکنزی نے بتایا کہ ہندوستان اور پاکستان کے درمیان 15 اکتوبر کو ہونے والے میچ کے لیے بھی کافی جوش و خروش ہے۔ 13 سے 16 اکتوبر کے لیے بکنگ ہو چکی ہے اور شہر میں ہوٹل کے کمرے زیادہ تر میچ کے دنوں میں بک ہونے کی امید ہے۔ اس کے علاوہ ہیٹی ریجنسی احمد آباد کے جنرل مینیجر پونیت بیجل نے کہا کہ میچ کے دن تقریباً 80 فیصد کمرے بک ہو چکے ہیں۔ افتتاحی تقریب اور نیوزی لینڈ اور انگلینڈ کے درمیان پہلے میچ کے لیے انگلینڈ اور بڑے اداروں کی جانب سے ٹریول ایجنسی کی جانب سے بکنگ کرائی گئی ہے۔

رپورٹ میں بتایا گیا کہ انڈسٹری کے ذرائع کے مطابق  عام زمرہ  کے  روم کی قیمت تقریباً 52 ہزار اور پریمیم کیٹیگری کے کمروں کی قیمت ایک لاکھ روپے تک ہو سکتی ہے۔ ایسے میں احمد آباد میں ورلڈ کپ کے میچ دیکھنا شائقین کی جیب پر بہت بھاری پڑ سکتا ہے۔