ICC Men’s T20 World Cup: پاکستانی ٹیم کو ورلڈ کپ جیتنے پر حج کیلئے بلائے گی سعودی حکومت، مقابلے سے پہلے بابر اعظم نے بھی دیا بڑا بیان

پاکستان میں سعودی عرب کے سفیر نواف بن سعید احمد المالکی نے ٹی ٹوئنٹی کرکٹ ورلڈ کپ کے حوالے سے خصوصی ویڈیو پیغام جاری کیا ہے۔سعودی سفیر نے آئی سی سی ٹی ٹوئنئی ورلڈ کپ 2024ء کے لیے پاکستان کرکٹ ٹیم کے لیے نیک خواہشات کا اظہار کیا ہے۔نواف بن سعید احمد المالکی نے کہا ہے کہ پاکستان کرکٹ ٹیم کے اپنے بھائیوں کے لیے میرا پیغام ہے کہ ان شاء اللّٰہ آپ یہ ٹورنامنٹ جیتیں گے، پاکستانی عوام یقیناً ورلڈ کپ میں ٹیم کی کامیابی کا جشن منائے گی۔سعودی سفیر نے کہا ہے کہ میں پاکستان کی خوش حالی اور ترقی کے لیے بھی دعا گو ہوں، آئی سی سی ٹی ٹوئنٹی ورلڈ کپ 2024ء جیتنے پر پاکستانی ٹیم اگلے برس حج پر شاہی مہمان ہو گی۔

وہیں دوسری طرف پاکستان کرکٹ ٹیم کے کپتان بابر اعظم نے کہا ہے کہ وہ ٹی 20 ورلڈ کپ 2024 جیت کر قوم کو خوشیاں دینا چاہتے ہیں۔پاکستان کرکٹ ٹیم کے کپتان بابر اعظم نے پی سی بی کے پوڈکاسٹ میں گفتگو کرتے ہوئے اپنی سب سے بڑی خواہش بتا دی اور کہا کہ وہ ٹی ٹوئنٹی ورلڈ کپ 2024 جیت کر قوم کو خوشیاں دینا چاہتے ہیں تاہم ورلڈ کپ جیتنے کے لیے ٹیم کو ایک ہو کر کھیلنا اور ہر ٹیم کو ہرانا ہوگا۔بابر اعظم نے کہا کہ امریکا میں کھیلنا ایک مختلف تجربہ ہوگا اور یہ ایک چیلنج ہوگا۔ ورلڈ کپ میں صرف بھارت کا نہیں بلکہ تمام میچ ہمارے لیے اہمیت رکھتے ہیں۔انہوں نے کہا کہ افسوس ہے پچھلے 2 ٹی ٹوئنٹی ورلڈ کپ میں بہت قریب آکر نہ جیت پائے۔ گزشتہ ٹی ٹوئنٹی ورلڈ کپ کے فائنل میں اگر شاہین شاہ زخمی نہ ہوتے تو نتیجہ کچھ اور ہوتا، بحیثیت کپتان آئی سی سی ایونٹ نہ جیتنے کا افسوس ہے تاہم اس بار جیتنا ہے۔

واضح رہے کہ پاکستان کرکٹ ٹیم اپنی ورلڈ کپ مہم کا آغاز 6 جون کو ڈلاس میں میزبان ٹیم امریکا کے خلاف میچ سے کرے گی۔اس کے بعد پاکستان ٹیم 9، 11 اور 16 جون کو بالترتیب بھارت، کینیڈا اور آئرلینڈ کے خلاف میچز کھیلے گی۔ گروپ اسٹیج کے بعد گروپ کی ٹاپ 2 ٹیمیں سپر 8 مرحلے کے لیے ویسٹ انڈیز جائیں گی۔

بھارت ایکسپریس۔