ایشیا کپ 2025 کے لیے بھارتی کرکٹ ٹیم دبئی پہنچ چکی ہے۔ جمعہ کے روز بھارتی کھلاڑی آئی سی سی اکیڈمی میں پریکٹس کرتے ہوئے نظر آئے۔ سب سے زیادہ توجہ کا مرکز ہاردک پانڈیا بنے، جنہوں نے ایشیا کپ کے لیے اپنا لک تبدیل کر لیا ہے۔ آئی پی ایل 2025 میں ہاردک کو چھوٹے اور کالے بالوں کے لک میں دیکھا گیا تھا، لیکن اب وہ بلونڈ کہلائیں گے۔ انہوں نے سوشل میڈیا پر اپنے نئے لک کی تصاویر شیئر کی ہیں۔
ہاردک پانڈیا نے انسٹاگرام پر پانچ نئی تصاویر شیئر کیں، اور کیپشن میں لکھا: “میرا نیا اوتار۔” ہاردک اکثر اپنے ہیئر اسٹائل کی وجہ سے خبروں میں رہتے ہیں۔ کبھی لمبے بال تو کبھی “مڈ نائٹ بلیو” کلر کروا کر سب کی توجہ حاصل کرتے نظر آئیں۔ اب ان کا بلونڈ اوتار بھی خوب چرچا میں ہے۔ خاص طور پر جب ہاردک نے کالے چشمے پہنے تو وہ کسی بالی وُڈ سپر اسٹار سے کم نہیں لگ رہے تھے۔
یہ بھی بتاتے چلیں کہ ہاردک پانڈیا جمعرات کو دبئی پہنچے تھے اور جمعہ کے روز پہلی بار پریکٹس کرتے ہوئے نظر آئے۔ یہ صرف دوسری بار ہے جب ہاردک نے اپنے بالوں کا رنگ کالا نہیں رکھا۔ اس سے قبل 2018 میں انہوں نے اپنے بالوں کو نیلے رنگ میں رنگا تھا۔ مداحوں نے ان کا موازنہ نکولس پورَن سے بھی کیا، کیونکہ وہ بھی پہلے بلونڈ لک میں نظر آ چکے ہیں۔
ایشیا کپ میں ہاردک پانڈیا کا ریکارڈ:
ایشیا کپ میں اب تک ہاردک پانڈیا نے کل 14 میچ کھیلے ہیں۔ ون ڈے فارمیٹ میں کھیلے گئے ایشیا کپ میں انہوں نے 6 میچز میں 92 رنز بنائے، جن میں ان کا سب سے زیادہ اسکور 87 ہے۔ وہیں بولنگ میں انہوں نے 6 وکٹیں حاصل کیں۔ ٹی20 ایشیا کپ میں ہاردک نے 8 میچوں میں 83 رنز بنائے اور 17 وکٹیں حاصل کیں۔ 2025 کے ایشیا کپ میں ہاردک ٹیم انڈیا کے سینئر کھلاڑیوں میں سے ایک ہوں گے۔
بھارت ایکسپریس اردو
بہار کے ضلع ویشالی میں راگھوپور کے قریب کشتی بے قابو ہو کر الٹ گئی۔…
کیشوپور، جنک پوری، روہنی، سونیا وہار اور منگول پوری سمیت کئی علاقوں میں خفیہ کیمرے…
دہلی پولیس نے جنتر منتر کے علاقے میں بغیر اجازت داخل ہونے کے الزام میں…
تجارت، توانائی، ٹیکنالوجی، سلامتی اور عوامی روابط سمیت اہم شعبوں میں ٹھوس نتائج حاصل کرنے…
وزیر اعظم نریندر مودی کے خلاف مبینہ ’چوکیدار چور ہے‘ تبصرے سے متعلق فوجداری ہتک…
رشی سونک نے سوشل میڈیا پر لکھا ہے کہ وزیر اعظم نریندر مودی، آج نئی…