Gujarat Titans Bus Accident: بال بال بچی گجرات ٹائٹنس کی پوری ٹیم، بس میں ہوگیا ایسا حادثہ

GT Team Bus Accident: گجرات ٹائٹنس کی پوری ٹیم آئی پی ایل فائنل میں شکست کے بعد ایک بڑے حادثے سے بال بال بچ گئی۔ پی ٹی آئی کے مطابق، یہ واقعہ اس وقت پیش آیا جب ٹیم فائنل میچ کے بعد اسٹیڈیم سے ٹیم ہوٹل واپس آرہی تھی۔ گجرات ٹائٹنس لے جانے والی بس شارٹ سرکٹ کے باعث خراب ہوگئی۔ خوش قسمتی سے کوئی بڑا حادثہ پیش نہیں آیا اور بس میں سوارکھلاڑیوں اورمعاون عملہ کوبروقت بچا لیا گیا۔

بس حادثے میں بال بال بچے گجرات کے کھلاڑی

گجرات ٹائٹنس کے سبھی کھلاڑی اورسپورٹ اسٹاف محفوظ ہیں۔ ٹیم بس میں ہوئے شارٹ سرکٹ کے سبب حالانکہ گجرات کے کھلاڑیوں کوسڑک پرکچھ وقت انتظارکرنا پڑا۔ کچھ دیربعد انہیں پھردوسری بس سے ٹیم ہوٹل لے جایا گیا۔ آئی پی ایل فائنل میں ملی ہارکے بعد ہوئے اس حادثے نے گجرات کی ٹیم کوذہنی طورپرجھکجھورنے کا کام کیا ہے۔

آئی پی ایل 2026 کے فائنل میں گجرات ٹائٹنس کیسے ہاری؟

گجرات ٹائٹنس کواحمدآباد کے نریندرمودی اسٹیڈیم پرکھیلے گئے فائنل مقابلے میں رائل چیلنجرس بنگلوروکے ہاتھوں 5 وکٹ سے ہارکا سامنا کرنا پڑا۔ 31 مئی کوکھیلے گئے فائنل مقابلے میں گجرات کی ٹیم نے پہلے بلے بازی کرتے ہوئے 20 اوورمیں 8 وکٹ پر155 رن بنائے تھے۔ گجرات کی بلے بازی آئی پی ایل 2026 کے فائنل میں بکھرسی گئی۔ واشنگٹن سندرکوچھوڑکر کوئی بھی کھلاڑی بلے بازی میں اپنی چھاپ نہیں چھوڑسکا۔

وراٹ کوہلی نے سنبھالی آرسی بی کی اننگ

رائل چیلنجرس بنگلوروکی شروعات بھی حالانکہ فائنل میں 156 رنوں کے ہدف کا پیچھ کرتے ہوئے خراب رہی، لیکن اس کی لڑکھڑاتی اننگ کووراٹ کوہلی نے وکٹ پرجم کرسنبھال لیا۔ وراٹ کوہلی آخرتک ناٹ آوٹ رہے اورٹیم کوجیت دلاکردم لیا۔ انہوں نے 42 گیندوں پرناٹ آوٹ 75 رن بنائے، جن میں 9 چوکے اور3 چھکے شامل رہے۔ گجرات ٹائٹنس کوفائنل میں ہاراس لئے بھی مزید پریشان کررہی ہے کیونکہ یہ اسے اپنے ہوم گراونڈ پرملی ہے۔ آئی پی ایل میں احمد آباد گجرات ٹائٹنس کا ہوم گراونڈ ہے۔

بھارت ایکسپریس اردو-

Nisar Ahmad