Delhi Capitals win by 6 Wickets against RCB: دہلی کیپٹلس نے مسلسل چوتھی جیت درج کی، بنگلورو کو6 وکٹ سے ہرایا،  کے ایل راہل نے کھیلی شاندار اننگ

RCB vs DC IPL 2025: دہلی کیپٹلس نے رائل چیلنجرس بنگلورو کو آئی پی ایل 2025 کے 24ویں مقابلے میں جمعرات کو ہرا دیا۔ دہلی نے کے ایل راہل کی طوفانی اننگ کی بدولت یہ میچ 6 وکٹ سے جیتا۔ راہل نے ناٹ آوٹ 93 رنوں کی اننگ کھیلی۔ حالانکہ وہ سنچری پوری نہیں کرسکے۔ دہلی کے گیند باز کلدیپ یادو اور وپراج نگم نے بھی اچھا پرفارم کیا۔ آرسی بی کے لئے ٹم ڈیوڈ اور فلپ سالٹ نے اچھی اننگیں کھیلیں۔

آرسی بی نے دہلی کو جیت کے لئے 164 رنوں کا ہدف دیا تھا۔ اس کے جواب میں دہلی نے 17.5 اووروں میں ہدف حاصل کرلیا۔ کے ایل راہل کی میچ وننگ پرفارمنس دیکھنے کو ملی۔ انہوں نے 53 گیندوں میں ناٹ آوٹ 93 رن بنائے۔ راہل نے 7 چوکے اور 6 چھکے لگائے۔ ٹرسٹن اسٹبس نے ناٹ آوٹ 38 رن بنائے۔ انہوں نے 4 چوکے اورایک چھکا لگایا۔ اہم بات یہ ہے کہ دہلی کیپٹلس کی یہ مسلسل چوتھی جیت ہے۔

شروعات میں لڑکھڑا گئی تھی دہلی کی اننگ

دہلی کی شروعات خراب ہوئی تھی۔ فاف ڈوپلیسس اور جیک فریجر میک گرک کچھ خاص نہیں کرسکے۔ ڈوپلیسس محض 2 رن بناکرآوٹ ہوئے۔ انہیں یش دیال نے پویلین کا راستہ دکھایا۔ اس کے بعد میک گرگ 7 رن بناکرآوٹ ہوئے۔ ابھیشیک پوریل بھی 7 رن بناکر پویلین لوٹے۔ ان دونوں کو بھونیشور کمار نے آوٹ کیا۔ وہیں دوسری طرف دہلی کے گیند بازوں کی کارکردگی کیسی رہی، اس پر بات کرتے ہیں۔ دہلی کے لئے بھونیشورکمار نے 2 وکٹ حاصل کئے۔ انہوں نے 4 اووروں میں 26 رن دیئے۔ سویش شرما نے 4 اووروں میں 25 رن دے کرایک وکٹ حاصل کیا۔ یش دیال نے 3.5 اووروں میں 45 رن دے کرایک وکٹ حاصل کیا۔

آرسی بی کے لئے سالٹ- ڈیوڈ کی طوفانی کارکردگی

رجت پاٹیدار کی کپتانی والی رائل چیلنجرس بنگلورو نے 20 اووروں میں 7 وکٹ کے نقصان کے ساتھ 163 رن بنائے۔ اس دوران فلپ سالٹ اور ٹم ڈیوڈ نے طوفانی اننگ کھیلی۔ سالٹ نے 17 گیندوں میں 4 چوکے اور تین چھکے لگائے۔ انہوں نے 37 رنوں کی اننگ کھیلی۔ وہیں ٹم ڈیوڈ نے ناٹ آوٹ 37 رن بنائے۔ انہوں نے 4 چوکے اور 2 چھکے لگائے۔ وراٹ کوہلی نے 14 گیندوں میں 22 رن بنائے۔ رجت پاٹیدار نے 25 رنوں کا تعاون دیا۔ وہیں دہلی کے گیند بازوں نے کمال کی کارکردگی پیش کی۔ کلدیپ یادو اور وپراج نگم نے 2-2 وکٹ حاصل کئے۔ وپراج نے 4 اووروں میں 18 رن دیئے۔ کلدیپ یادو نے 4 اووروں میں میں 17 رن دیئے۔ موہت شرما اور مکیش کمار کو ایک ایک وکٹ ملا۔