CSK Vs GT 2026: سی ایس کے  بمقابلہ جی ٹی: گجرات نے ٹاس جیت کر گیند بازی کا کیا فیصلہ، کیا آج کھیل رہے ہیں دھونی؟

آئی پی ایل 2026 کا 37واں میچ آج 26 اپریل کو چنئی سپر کنگز اور گجرات ٹائٹنز کے درمیان کھیلا جا رہا ہے۔ یہ مقابلہ چنئی کے ایم اے چدمبرم اسٹیڈیم میں ہو رہا ہے۔ یہاں گجرات نے ٹاس جیت کر پہلے گیند بازی کرنے کا فیصلہ کیا ہے۔ میچ دوپہر 3:30 بجے شروع ہوگا۔ اس میچ میں چنئی کی کپتانی رتوراج گائیکواڑ اور گجرات کی کپتانی شبمن گل کر رہے ہیں۔

دونوں ٹیموں کے لیے بڑا مقابلہ

چنئی سپر کنگز نے اب تک 7 میچوں میں 3 فتوحات حاصل کی ہیں اور 6 پوائنٹس کے ساتھ پوائنٹس ٹیبل میں پانچویں نمبر پر ہے۔ ٹیم اس میچ کو جیت کر اپنی پوزیشن مزید بہتر بنانا چاہے گی۔دوسری جانب گجرات ٹائٹنز کی کارکردگی اس سیزن میں اتار چڑھاؤ کا شکار رہی ہے۔ ٹیم نے 7 میں سے 3 میچ جیتے ہیں اور وہ ساتویں نمبر پر ہے۔ آغاز میں دو میچ ہارنے کے بعد گجرات نے مسلسل تین فتوحات حاصل کی تھیں، لیکن پھر پچھلے دو میچ ہار گئے۔ ایسے میں شبمن گل کی قیادت والی ٹیم کے لیے یہ میچ بہت اہم ہے۔

کیا دھونی کی واپسی ہوگی؟

چنئی سپر کنگز کے ماسٹر مائنڈ ابھی بھی 22 گز کی پچ سے کافی دور نظر آ رہے ہیں۔ واضح رہے کہ آج کے میچ میں بھی ایم ایس دھونی مکمل طور پر فٹ نہیں ہیں، اسی وجہ سے وہ آج کا میچ نہیں کھیل رہے۔ تاہم چنئی کے بیٹنگ کوچ مائیکل ہسی نے حال ہی میں کہا تھا کہ ٹیم دھونی کا انتظار کرنے کے لیے تیار ہے۔ ہسی کے مطابق دھونی کو تبھی کھیلنا چاہیے جب وہ مکمل طور پر فٹ ہو جائیں۔ ایم ایس دھونی ابھی بھی پنڈلی کی انجری سے پریشان ہیں۔

دونوں ٹیموں کی پلیئنگ الیون (CSK vs GT Playing 11)

چنئی کنگز پلیئنگ الیون: سپر سنجو سیمسن (وکٹ کیپر)، رتوراج گائیکواڑ (کپتان)، اروِل پٹیل، ڈیوالڈ بریوس، شیوَم دوبے، کارتک شرما، جیمی اوورٹن، عقیل حسین، نور احمد، انشول کمبوج، گرجپریت سنگھ

گجرات ٹائٹنز پلیئنگ الیون: سائی سدرشن، شبمن گل (کپتان)، جوس بٹلر (وکٹ کیپر)، شاہرُخ خان، واشنگٹن سندر، جیسن ہولڈر، راشد خان، ارشد خان، کگیسو ربادا، محمد سراج، مناو سُتھر

بھارت ایکسپریس اردو۔